«اسپانتاۋ اسقان ۇركىن كوش» كىتابىنىڭ تۇساۋى كەسىلدى

كەشە، الماتى قالاسىنداعى «مەلومان گراند» دۇكەنىندە گودفري لاياستىڭ شىنجاڭداعى قازاقتاردىڭ ۇلتازاتتىق كۇرەسى مەن گيمالايدى اسقان، جارتى جەردى اينالىپ انادولىعا جەتكەن كوشى تۋرالى جازىلعان  «اسپانتاۋ اسقان ۇركىن كوش» اتتى كىتابىنىڭ تۇساۋى كەسىلدى.

جازۋشى ق. ءجۇمادىلوۆ، قوعام قايراتكەرى م. اۋەزوۆ، رەجيسسەر  دوسحان جولجاقسىنوۆ جانە ساياساتتانۋشى ايدوس سارىم قاتارلى تانىمال تۇلعالار كىتاپتىڭ تۇساۋىن كەسىپ، قۇندى پىكىرلەرىن ورتاعا سالدى. رەجيسسەر، اكتەر، قر مەم. سىيلىعىنىڭ يەگەرى دوسحان جولجاقسىنوۆ، ۇلتىمىز باسىنان كەشىرگەن مۇنداي كەشىرمەلەر تۋرالى كينو ءتۇسىرۋدىڭ قازىرگى زامانعا اسا قاجەتتى ەكەنىن باسا ايتتى. «بۇل وقيعالاردى بىلاي قويعاندا، الاش ارىستارى تۋرالى كينو جوق. سول باياعى «اقتابان شۇبىرىندى، القا كول سۇلاما» تۋرالى كينو جوق. بۇلار بۇگىن، اسىرەسە مىناۋ شالكەم-شالىس كەزدە، بىزگە ۇلت رەتىندە، ءناسىل رەتىندە كەرەك دۇنيە،

كىتاپ العاش رەت اعىلشىن تىلىندە 1956 جىلى لوندوندا جارىق كورگەن. ەڭبەك وتكەن عاسىردىڭ 40-شى جىلدارىندا شىنجاڭداعى ۇلت ازاتتىق كۇرەستەگى قازاقتاردىڭ ءومىرى جايىندا اڭگىمەلەپ، كۇرەس تاسىلدەر، كۇرەس جولدارى، كوش جولى، كەشكەن قيىنشىلىقتارى تۋرالى باياندايدى.

اۆتور «اسپانتاۋ اسقان قازاقتارمەن»، ياعني ولاردىڭ انادولى جۇرتىنا امان جەتكەن از شوعىرىمەن 1954 جىلى  كەزدەسكەن. كۇرەسكەر قازاقتاردىڭ ءومىر تاريحىنان اتالعان ەڭبەكتى اعىلشىن تاريحشىلارىنىڭ قازىناسىنا قوسان.

“The Qazaq Times”