ۇندىستانداعى قازاقستاندىقتار ەلگە قايتا الماي وتىر

ۇندىستانداعى قازاقستاندىقتار ەلگە قايتا الماي وتىر.

پاكىستان مەن ءۇندىستان اراسىنداعى اسكەري-ساياسي جاعدايدىڭ شيەلەنىسۋىنە بايلانىستى اۋە رەيستەرى كەيىنگە قالدىرىلىپ، 65 قازاقستاندىق ازامات بەلگىلەنگەن ۋاقىتتا ەلگە ورالا المادى. وسىعان بايلانىستى قازاقستان رەسپۋبليكاسىنىڭ ۇندىستانداعى ەلشىلىگى ماسەلەنى شەشەتىندىگىن مالىمدەدى. ەلشىلىكتىڭ رەسمي حابارىندا: «ءۇندىستان مەن پاكىستاننىڭ اراسىنداعى اسكەري-ساياسي جاعدايدىڭ كۇردەلەنۋىنە بايلانىستى رەيستەرى اۋىستىرىلعان نەمەسە مۇلدە ورىندالماعان ءارتۇرلى اۋە كومپانيالارىنىڭ جولاۋشىلارى مەن ءبىزدىڭ ازاماتتار قيىن جاعدايعا تاپ بولدى. قازىرگى ۋاقىتتا 44 ادام ەلشىلىككە قايتارىلدى»، – دەلىنگەن.

ايتا كەتەيىك، 14 اقپاندا جامما مەن كاشمير ايماقتارىندا تەرراكت ورىن الىپ، ءۇندىستاننىڭ 44 اسكەري قىزمەتكەرى قازا تاپقان بولاتىن. سول ۋاقىتتان بەرى ەكى ەل اراسىنداعى بايلانىس ۋشىعا ءتۇستى. ال 27 اقپاندا پاكىستاننىڭ اۋە كەڭىستىگى جابىلىپ، قازاقستاندىق اۋە تاسىمالداۋشى «Air Astana» كومپانياسىنىڭ جۇمىسى قيىنداي تۇسكەن.

"The Qazaq Times"