فوتو: https://bbci.co.uk

پاكىستان ءۇندىستان شەكاراسىنا كەزەكتى شابۋىل جاسادى. بۇل تۋرالى BBC اگەنتتىگى حابارلادى.

مالىمەتتەرگە سۇيەنسەك، پاكىستاننىڭ اسكەري كۇشتەرى ءۇندىستاننىڭ سولتۇستىگىندەگى كاشمير جانە دجاممۋ شتاتتارىنا شابۋىل جاساپ، ەكى تاراپ اراسىندا اتىس-شابىس ورىن العان. بۇل وقيعادان كەيىن ءۇندىستان بيلىگى پاكىستانمەن شەكارالاس ايماقتاعى بارلىق وقۋ ورىندارىن جاپتى جانە ەكى ەل اراسىنداعى سۋ كەلىسىمى توقتاتىلدى.

سوڭعى كەزدەرى ءۇندىستان-پاكىستان شيەلەنىسى ءورشىپ كەلەدى. قاقتىعىستىڭ وشاعىنا اينالعان كاشمير ايماعىندا ءۇندىستان ارمياسى ون جىلدىق تاجىريبەلەرىن قايتا ىسكە قوسىپ وتىر. ءۇندىستان تارابى شەكارانى باقىلاۋىنا الۋ ءۇشىن يزريلدىك تەحنولوگيالاردى ساتىپ العان. شەكارا بەكەتتەردەگى باقىلاۋدى كۇشەيتسە دە، قاقتىعىستى توقتاتا الماي كەلەدى. 14 اقپاندا كاشمير جانە جاممۋ اۋماعىندا بولعان قايعىلى جاعداي ءۇندىستان مەن پاكىستان اراسىنداعى بايلانىسقا سىزات ءتۇسىردى. قازىرگى تاڭدا ۇندىستاندىقتار 44 اسكەري قىزمەتكەرلەر قۇربان بولعان تەرراكتىنى پاكىستان ەلى جاسادى دەپ ايىپتاپ وتىر. الايدا، پاكىستان بيلىگى بۇل وقيعاعا قاتىسى جوعىن ايتىپ، كىنانىڭ جالعان ەكەندىگىن العا تارتۋدا. سول سەكىلدى، بۇل تەرراكتىگە ناقتى كىمدەردىڭ جاۋاپتى ەكەندىگىن انىقتاۋدى تالاپ ەتىپ وتىر.

"The Qazaq Times"