پاكىستاندا تەمىر جولدا جارىلىس بولدى

پاكىستاننىڭ بەلۋجيستان پروۆينتسياسىندا جولاۋشىلار پويىزىن تەررورلىق شابۋىل جاسالدى. تەمىر جولعا ورناتىلعان جارىلعىشتان 4 ادام قازا تاپتى.

پوليتسيا قىزمەتكەرلەرىنىڭ جەرگىلىكتى باق-قا بەرگەن مالىمەتىندە، جارىلعىش بەلۋجيستاننىڭ دەرا مۋرات جامالي ايماعىنداعى تەمىر جولعا ورناتىلعان. پوليتسيا تەرگەۋ جۇمىستارىن جالعاستىرۋدا. باستاپقى مالىمەت بويىنشا، جارىلىستان 4 ادام قازا تاپقان، ونىڭ ىشىندە ءبىر جاس نارەستەلى انا بار. سونداي-اق، 6 ادام اۋىر جاراقات العان.

ايتا كەتەيىك، بۇلعان دەيىن ءۇندىستان مەن پاكىستان اراسىندا كاشمير داۋى قايتا ءورشىلىپ، تاراپتار بىرنەشە رەت قارۋلى قاقتىعىسقا كەلە جازداعان. ءۇندىستان تارابى پاكىستاندى تەررورلىق توپتارمەن استاسىپ، ءۇندىستاننىڭ اسكەري قىزمەتكەرلەرىنە شابۋىل جاسادى دەپ ايىپتاعان. ال، بەلۋجيستان پاكىستانداعى سەپاراتيستىك بەلسەندىلەردىڭ توپتاسقان ايماعى سانالادى.

“The Qazaq Times”