اقش-تا پرەزيدەنتتىككە تالاسقاندار سانى ارتتى

اقش-تا پرەزيدەنتتىككە تالاسقاندار سانى ارتتى دەپ حابارلايدى Washington Post.

قازىردىڭ وزىندە جيىرمادان استام ادام پرەزيدەنتتىككە كانديداتۋراسىن ۇسىنعان. ماسەلەن، دەموكراتيالىق پارتيادان جازۋشى مارياننا ۋيليامسون، سەنا­تورلار كوري بۋكەر، بەرني ساندەرس، كامالا حارريس، وكىلدەر پالاتا­سىنىڭ مۇشەلەرى تۋلسي گاب­بارد، دجون دەلەيني، ەكس-مينيستر حۋليان كاسترو ەل باسقارۋعا ءۇمىتتى. ال رەسپۋبليكاشىلار پارتياسىنان قازىرگى پرەزيدەنت دونالد ترامپ، ەكس-سەناتورلار بوب كوركەر مەن دجەفف فلەيك، 1989-1993 جىلدارى اقش ۆيتسە-پرەزيدەنتى اپپا­راتى­نىڭ باسشىسى بولعان ۋي­ليام كريستول جانە وزگە دە بەس ۇمىتكەر بار.

اتالعان ەكى ءىرى توپتان بولەك، 1971 جىلى قۇرى­لعان امەريكاداعى ءۇشىنشى سايا­سي ۇيىم، ياعني ليبەرتاريان پارتياسى دا  وز ۇمىتكەرلەرىن ۇسىنىپ وتىر. ساراپشىلاردىڭ بولجاۋىنشا، دونالد ترامپ پەن گۋبەرناتور ۋيليام ۋەلد پرەزيدەنت بولۋعا باستى ۇمىتكەرلەر قاتارىندا.

ايتا كەتەيىك، قۇراما شتاتتارىنداعى كەزەكتى پرەزيدەنتتىك سايلاۋ 2020 جىلدىڭ 3 قاراشاسىندا وتەدى. ال قازىر ەل باسقارىپ وتىرعان دونالد ترامپ – اقش-تىڭ 45-ءشى پرەزيدەنتى.

"The Qazaq Times"