گۋايدو كولۋمبيادا ليما ۇكىمەتىنىڭ وكىلدەرىمەن كەزدەسپەك

الەمنىڭ ونداعان مەملەكەتى ۋاقىتشا پرەزيدەنت رەتىندە تانىعان ۆەنەسۋەلا ۇلتتىق اسسامبلەياسىنىڭ سپيكەرى حۋان گۋايدو ليما ۇكىمەتىنىڭ وكىلدەرىمەن كەزدەسۋ ءۇشىن كولۋمبياعا باردى.

اتالعان جيىندا تالقىلاناتىن باستى ماسەلە كولۋمبيا شەكاراسىنداعى ۆەنەسۋەللا وپپوزيتسيا جاقتاستارى مەن اسكەريلەردىڭ قاقتىعىسى اراسىندا بولماق.  قازىرگى تاڭدا قاقتىعىستان ءۇش ادام قازا تاۋىپ، جۇزدەن استام ادام جاراقاتتانعان.

بۇگىندە ۆەنەسۋەلانىڭ پرەزيدەنتى نيكولاس مادۋرو اقش، برازيليا، كولۋمبيادان كەلەتىن گۋمانيتارلىق كومەكتەن باس تارتىپ، ۆەنەسۋەلانىڭ كومەككە مۇقتاج ەمەس ەكەندىگىن مالىمدەدى.

حالىقارالىق ساراپشىلاردىڭ پىكىرىنشە، ليما ۇكىمەتىنىڭ وكىلدەرى مەن گۋايدو اراسىنداعى جيىندا مادۋروعا حالىقارالىق قىسىمدى ارتتىرۋ تاقىرىبى تالقىلاناتىن بولادى. سەبەبى، كاراكاس وپپوزيتسيا مۇشەلەرىنە جىبەرگەن گۋمانيتارلىق كومەكتەن باس تارتىپ، جاڭا سانكتسيالار سالىنسا دا قورىقپايتىندىعىن مالىمدەپ وتىر.

“The Qazaq Times”