ۆەنەسۋەلا داعدارىسى: مادۋرو ەلىن تاستاپ كەتۋگە دايىندالىپ جاتىر ما؟

اقش مەملەكەتتىك حاتشىسى ۆەنەسۋەلا پرەزيدەنتى نيكولاس مادۋرونى ەلىن تاستاپ كەتۋگە دايىن تۇر دەپ مالىمدەدى. مايك پولمپەونىڭ ايتۋىنشا، جەكەلىك ۇشاعىن دا دايىنداپ قويعان ۆەنەسۋەلا پرەزيدەنتىن تەك رەسەي تارابى ەلدە قالۋعا كوندىرىپ وتىر.

«ونىڭ ۇشاعى اۋەجايدا دايىن تۇر. مەنىڭشە، ول ءتىپتى بۇگىن تاڭەرتەڭ-اق (سەيسەنبى) ۇشىپ كەتۋگە دايىن ەدى. بىراق، رەسەيلىكتەر ونىڭ ەلدە قالۋى كەرەكتىگىن تۇسىندىرگەن»، – دەگەن پومپەو CNN ارناسىنا بەرگەن سۇحباتىندا.

اقش جوعارى لاۋازىمدىلارىنىڭ مالىمەتىنە قاراعاندا، مادۋرونىڭ جانىنداعى ءۇش سەنىمدى سەرىگى، پرەزيدەنتتىڭ ەلدەن شىعىپ كەتۋى بويىنشا وپپوزيتسيانىڭ شارتتارىنا كەلىسىم بەرگەن. ارتىنشا، ۋادەلەرىنەن تايىپ كەتكەن.

ەل استاناسىندا قارۋلى كۇشتەر مەن وپپوزيتسيا اراسىندا قاقتىعىس بولدى. مادۋرو حۋان گۋايدو باستاعان وپپوزيتسيالىق توپتى بۇلىكشىلەر قاتارلى اتاعان. ءارى، ولار ماقساتىنا جەتە المادى دەپ مالىمدەگەن.

ترامپتىڭ ۇلتتىق قاۋىپسىزدىك جونىندەگى كەڭەسشىسى جون بولتون ۆەنەسۋەلاداعى وپپوزيتسيامەن كەلىسسوز جۇرگىزىپ كەلە جاتقان لاۋازىمدى تۇلعانىڭ ءبىرىن ەلدىڭ قورعانىس ءمينيسترى ۆلاديمير پادرينو دەپ كورسەتكەن. قالعان ەكەۋى – جوعارى سوت توراعاسى مەن پرەزيدەنتتى قورعاۋ قىزمەتىنىڭ جەتەكشىسى ەكەنىن ايتقان.

“The Qazaq Times”