مادۋرو دا يانۋكوۆيچتىڭ جولىن قايتالاۋى مۇمكىن

ۆەنەسۋەلادا 2018 جىلى مەرزىمىنەن بۇرىن سايلانعان نيكولس مادۋرو مەن اقش باسشىسى دونالد ترامپ ەڭ العاش مويىنداعان ۋاقىتشا پرەزيدەنت حۋان گۋايدو اراسىنداعى تەكە-تىرەس ءالى دە جالعاسۋ ۇستىندە.

كۇنى كەشە ۆەنەسۋەلا پرەزيدەنتى نيكولاس مادۋرا اقش جانە باتىس ەلدەرىنىڭ قولداۋىمەن ۇيىمداستىرىلاتىن مەملەكەتتىك توڭكەرىستىڭ الدىن الاتىندىعىن مالىمدەپ، ءوزىنىڭ لاۋازىمى مەن حالقىن سىرتقى كۇشتەردەن ساقتايدىندىعىن جەتكىزگەن بولاتىن. ونىڭ سوزىنشە، اقش-تىڭ باس حاتشىسى مايك پومپەو الەمگە ءامىرىن ايتىپ، ۆەنەسۋەلا ەلىنە ءوزىنىڭ ۇستەمدىگىن جۇرگىزگىسى كەلەدى. بىراق، مۇنداي جاعدايدان شىعۋدىن جولىن قاراستىرعان مادۋرو بۇگىندە وزگە دە كۇشتى مەملەكەتتەردىڭ پايدا بولعاندىعىن ايتىپ، ولاردىڭ قولداپ وتىرعاندىعىنا سەنىم ءبىلدىرىپ وتىر. اتاپ ايتار بولساق، ونىڭ ىشىندە اقش-پەن اركەز كوزقاراستارى تۇيىسە بەرمەيتىن رەسەي مەن قىتاي ەلى قازىر مادۋرونىڭ ۇستەمدىگىن ارتتىرىپ وتىر.

ۆەنەسۋەلانىڭ ەڭ سۇيىكتى باسشىسى بولعان ۋگو چاۆەستەن كەيىن تاققا وتىرعان نيكولاس مادۋرو قازىر حالىق الدىندا ەڭ ناشار باسشى سيپاتىنا ىلىككەن. سەبەبى، كەدەيلىك سانى ارتىپ، ەكونوميكالىق جاعدايى ءبىرشاما تومەندەگەن. بۇدان بولەك، جەمقورلىققا جول بەرگەن ۆەنەسۋەلا باسشىسى تۇرعىنداردىڭ اشۋ-ىزاسىنا تيگەنى بەلگىلى. ۆەنەسۋەلالىق شەنەۋنىكتەر اراسىنان ۇستالعانداردىڭ كوبىسى وسى مادۋرونىڭ ادامدارى بولىپ شىققان.

حالىقارالىق ساراپشىلار مادۋرونىڭ بيلىك باسىندا قالۋىنا كۇمان كەلتىرۋدە. سەبەبى، حالىقتى وسى ۋاقىتقا دەيىن قاناپ كەلگەن باسشىعا ۆەنەسۋەلا تۇرعىندارىنىڭ اشۋ-ىزاسى جەتكىلىكتى. وسىنىڭ بارلىعىن بارلاپ وتىرعاندار، مادۋرو مەملەكەتتەن قاشىپ كەتۋى دە عاجاپ ەمەس ەكەندىگىن ءبىلدىردى. مۇنىڭ قانشالىقتى جۇزەگە اسىرىلاتىنى بولاشاقتا بەلگىلى بولادى.

قازىرگى تاڭدا دەموكراتيا ورناتامىن دەپ ەلدى جاپپاي باس كوتەرۋگە شاقىرعان ۋاقىتشا پرەزيدەنت حۋان گۋايدو مەن حالىقتى كۇشپەن ۇستاپ وتىرعان مادۋرو اراسىنداعى تەكە-تىرەس ءالى اياقتالعان جوق.

"The Qazaq Times"