اسقار ءمامين پرەمەر-مينيستر بولىپ تاعايىندالدى

نۇرسۇلتان نازارباەۆ پرەمەر-مينيسترلىككە اسقار ءماميننىڭ كانديداتۋراسىن ۇسىندى.

«مەملەكەت باسشىسى پرەمەر-مينيستر لاۋازىمىنا اسقار ءماميننىڭ كانديداتۋراسىن ۇسىنىپ، پارلامەنت ءماجىلىسىنىڭ قاراۋىنا جولدادى» - دەلىنگەن اقوردا ءباسپاسوز قىزمەتىنىڭ «Twitter» پاراقشاسىندا.

ءوز كەزەگىندە ءماجىلىس دەپۋتاتتارى پرەزيدەنت ۇسىنىسىن ءبىر اۋىزدان قولدادى.

اسقار ءمامين 1965 جىلى 23 قازان كۇنى اقمولا (تسەلينوگراد) قالاسىندا دۇنيەگە كەلگەن.

ءبىلىمى

— 1987 جىلى تسەلينوگراد ينجەنەرلىك-قۇرىلىس ينستيتۋتىن بىتىرگەن. (ينجەنەر-قۇرىلىسشى);

— 2003 جىلى رەسەي فەدەراتسياسى ۇكىمەتى جانىنداعى حالىق شارۋاشىلىعى اكادەمياسىن ءتامامدادى;

وتباسىلىق جاعدايى 

ايەلى مامينا التىناي قاسىمقىزى. بالالار: ۇلى دانيار مەن قىزى دينارا.

 ەڭبەك ءوتىلى

• مونتاجداۋشى، "تسەلينتياجستروي" ترەستىنىڭ شەبەرى (1987-1988);
• تسەلينوگراد وبلىستىق اتقارۋشى كوميتەتى ىشكى ىستەر باسقارماسىندا بورىشىن وتكەرگەن (1988-1991);
• قازاقستاننىڭ يننوۆاتسيالىق كاسىپورىندارى وداعى باس ديرەكتورىنىڭ ورىنباسارى (1991-1993);
• "ينتەر-يشيم" قك باس ديرەكتورى (1993-1996);
• اقمولا (استانا) قالاسى اكىمىنىڭ ءبىرىنشى ورىنباسارى (1996-2000);
• اقمولا اەا اكىمشىلىك كەڭەسى توراعاسىنىڭ ورىنباسارى (1998-2000);
• قازاقستان رەسپۋبليكاسى كولىك جانە كوممۋنيكاتسيالار ۆيتسە-ءمينيسترى (2000-2002);
• قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى كوميتەتىنىڭ توراعاسى (2000-2001);
• "ينكوم استانا" جشس باس ديرەكتورى (2002-2003);
• قازاقستان رەسپۋبليكاسى ونەركاسىپ جانە ساۋدا مينيسترلىگىنىڭ ءبىرىنشى ۆيتسە-ءمينيسترى (2003-2004);
• قازاقستان رەسپۋبليكاسى كولىك جانە كوممۋنيكاتسيالار ءمينيسترى (2005-2006);
• استانا قالاسىنىڭ اكىمى (2006-2008);
• "قازاقستان تەمىر جولى" ۇلتتىق كومپانياسى" اق پرەزيدەنتى (2008-2016);
• قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى (2016);

باسقا لاۋازىمدارى 

• "قازاقستاننىڭ ينۆەستيتسيالىق قورى" اق ديرەكتورلار كەڭەسىنىڭ مۇشەسى (2003-2004);
• "قازاقستاننىڭ دامۋ بانكى" جاق ديرەكتورلار كەڭەسىنىڭ مۇشەسى (2003-2004);
• "Kazakhstan Engineering" ااق ديرەكتورلار كەڭەسىنىڭ مۇشەسى (2003-2004);
• حالىقارالىق استانالار مەن ءىرى قالالار اسسامبلەياسىنىڭ ۆيتسە-پرەزيدەنتى (2007);
• قازاقستان رەسپۋبليكاسىنىڭ شايبالى حوككەي فەدەراتسياسى پرەزيدەنتى (2008-2012, 2016 جىلى قايتا سايلاندى);
• ءماجىلىس جانىنداعى "نۇر وتان" حدپ فراكتسياسىنىڭ ءماسليحاتتار جانە ازاماتتىق قوعام ينستيتۋتتارىمەن بايلانىس بويىنشا كەڭەس مۇشەسى (2007);
• قازاقستان رەسپۋبليكاسى پرەزيدەنتى جانىنداعى ۇلتتىق ينۆەستورلار كەڭەسىنىڭ مۇشەسى (2008-2010);
• قازاقستان رەسپۋبليكاسى ۇلتتىق كاسىپكەرلەر پالاتاسىنىڭ كولىك، لوگيستيكا جانە بايلانىس كوميتەتىنىڭ ورىنباسارى (2014-2016);
• "قتج" ۇق" اق ديرەكتورلار كەڭەسىنىڭ مۇشەسى (2015-2016);
• "قازاقستان تەمىر جولى" ۇلتتىق كومپانياسى" اق باسقارما توراعاسى (2016);
• قازاقستان رەسپۋبليكاسىنىڭ ەۋرازيالىق ەكونوميكالىق كوميسسياسى كەڭەسىندەگى وكىلى (2016);

پارتيا قۇرامىنداعى قىزمەتى

• "نۇر وتان" حدپ ساياسي كەڭەسىنىڭ مۇشەسى;
• "نۇر وتان" حدپ استانا قالالىق فيليالىنىڭ توراعاسى (2006-2008);

ماراپاتتارى

• "ەرەن ەڭبەگى ءۇشiن" مەدالى (قازاقستان رەسپۋبليكاسى — 1998);
• "قۇرمەت" وردەنى (قازاقستان رەسپۋبليكاسى — 2006);
• "استاناعا 10 جىل" مەرەيتويلىق مەدالى (قازاقستان رەسپۋبليكاسى – 2008);
• قاسيەتتى سەنگەن كنياز دانيل موسكوۆسكي وردەنى (رەسەي فەدەراتسياسى – 2010);
• ەكىنشى دارەجەلى "بارىس" وردەنى (قازاقستان رەسپۋبليكاسى – 2011);
• استانا قالاسىنىڭ قۇرمەتتى ازاماتى (قازاقستان رەسپۋبليكاسى – 2011);
• قۇرمەتتى تەمىرجولشى (قازاقستان رەسپۋبليكاسى – 2012);
• قۇرمەتتى لەگيون وردەنىنىڭ كاۆالەرى (فرانتسۋز رەسپۋبليكاسى – 2013);
• مىندەت كرەستىنىڭ گراند-وفيتسەرى (لاتۆيا رەسپۋبليكاسى – 2013);
• قازاقستاننىڭ قۇرمەتتى قۇرىلىسشىسى (قازاقستان رەسپۋبليكاسى  – 2013);
• "ازاماتتىق ەڭبەگى ءۇشىن" وردەنىنىڭ ۇلكەن كرەستى (يسپانيا كورولدىگى – 2014);
• "دۋستۋليك" وردەنى (وزبەكستان رەسپۋبليكاسى — 2017);

عىلىمي اتاعى

• تەحنيكالىق عىلىمدار كاندياتى;

اسكەري قىزمەتى، اسكەري شەنى

• زاپاستاعى پولكوۆنيك;

ەستەرىڭىزگە سالايىق، اقپان ايىنىڭ 21-ءى كۇنى نۇرسۇلتان نازارباەۆ «ۇكىمەت وتستاۆكاعا كەتۋى ءتيىس» - دەپ مالىمدەگەن. ول ءوزىنىڭ بۇل شەشىمىن «ۇكىمەتتىڭ وزىنە جۇكتەلگەن مىندەتتەردى تولىقتاي ورىنداماۋىمەن» تۇسىندىرگەن.

"The Qazaq Times"