كورنەكى سۋرەت. https://userscontent2.emaze.com

الداعى بەس جىلدا قازاقستاندا 2,6 ملن جاڭا جۇمىس ورنى قۇرىلماق. بۇل جونىندە ۇكىمەت وتىرىسىندا ءمالىم بولدى.

ۇكىمەت باسشىسى اسقار مامين سوزىندە: «2017-2019 جىلدار ارالىعىندا ءتيىمدى جۇزەگە اسىرىلعان «ەڭبەك» مەملەكەتتىك باعدارلاماسى ارقاسىندا جاقسى ناتيجەلەرگە قول جەتكىزدىك. سونىڭ ىشىندە 1,3 ملن ادام جۇمىسقا ورنالاستى. 51 مىڭ ادام ءوز بيزنەسىن اشتى. 248 مىڭ ادام بىلىكتىلىگىن ارتتىردى. 53 مىڭ جاس ازامات العاشقى كاسىپتەرىن يگەرىپ جاتىر»، – دەدى.

ۇلتتىق ەكونوميكا ءمينيسترى رۋسلان دالەنوۆ 2025 جىلعا قاراي ءوزىن-ءوزى جۇمىسپەن قامتىعانداردىڭ ۇلەسى 7,5% ازايىپ، ءىرى ينۆەستيتسيالىق جوبالاردىڭ ارقاسىندا جۇمىسپەن قامتىلعاندار ەسەلەنەدى دەيدى. جاڭا جۇمىس ورىندارىنىڭ جارتىسى قۇنى 41,6 ترلن تەڭگە بولاتىن جاڭا ينۆەستيتسيالىق جوبالاردى ىسكە اسىرۋ ارقىلى جۇزەگە اسپاق.

"The Qazaq Times"