Фото: Sputniknews.kz

Нұрсұлтан Назарбаев премьер-министрлікке Асқар Мәминнің кандидатурасын ұсынды.

«Мемлекет басшысы премьер-министр лауазымына Асқар Мәминнің кандидатурасын ұсынып, парламент мәжілісінің қарауына жолдады» - делінген Ақорда баспасөз қызметінің «Twitter» парақшасында.

Өз кезегінде Мәжіліс депутаттары президент ұсынысын бір ауыздан қолдады.

Асқар Мәмин 1965 жылы 23 қазан күні Ақмола (Целиноград) қаласында дүниеге келген.

Білімі

— 1987 жылы Целиноград инженерлік-құрылыс институтын бітірген. (инженер-құрылысшы);

— 2003 жылы Ресей Федерациясы үкіметі жанындағы халық шаруашылығы академиясын тәмәмдады;

Отбасылық жағдайы 

Әйелі Мамина Алтынай Қасымқызы. Балалар: ұлы Данияр мен қызы Динара.

 Еңбек өтілі

  • Монтаждаушы, "Целинтяжстрой" трестінің шебері (1987-1988);
  • Целиноград облыстық атқарушы комитеті Ішкі істер басқармасында борышын өткерген (1988-1991);
  • Қазақстанның инновациялық кәсіпорындары одағы бас директорының орынбасары (1991-1993);
  • "Интер-Ишим" ҚК бас директоры (1993-1996);
  • Ақмола (Астана) қаласы әкімінің бірінші орынбасары (1996-2000);
  • Ақмола АЭА әкімшілік кеңесі төрағасының орынбасары (1998-2000);
  • Қазақстан Республикасы көлік және коммуникациялар вице-министрі (2000-2002);
  • Қазақстан Республикасы Көлік және коммуникациялар министрлігі автомобиль жолдары комитетінің төрағасы (2000-2001);
  • "Инком Астана" ЖШС бас директоры (2002-2003);
  • Қазақстан Республикасы өнеркәсіп және сауда министрлігінің бірінші вице-министрі (2003-2004);
  • Қазақстан Республикасы көлік және коммуникациялар министрі (2005-2006);
  • Астана қаласының әкімі (2006-2008);
  • "Қазақстан темір жолы" ұлттық компаниясы" АҚ президенті (2008-2016);
  • Қазақстан Республикасы премьер-министрінің бірінші орынбасары (2016);

Басқа лауазымдары 

  • "Қазақстанның инвестициялық қоры" АҚ директорлар кеңесінің мүшесі (2003-2004);
  • "Қазақстанның даму банкі" ЖАҚ директорлар кеңесінің мүшесі (2003-2004);
  • "Kazakhstan Engineering" ААҚ директорлар кеңесінің мүшесі (2003-2004);
  • Халықаралық астаналар мен ірі қалалар ассамблеясының вице-президенті (2007);
  • Қазақстан Республикасының шайбалы хоккей федерациясы президенті (2008-2012, 2016 жылы қайта сайланды);
  • Мәжіліс жанындағы "НҰР ОТАН" ХДП фракциясының мәслихаттар және азаматтық қоғам институттарымен байланыс бойынша кеңес мүшесі (2007);
  • Қазақстан Республикасы Президенті жанындағы ұлттық инвесторлар кеңесінің мүшесі (2008-2010);
  • Қазақстан Республикасы Ұлттық кәсіпкерлер палатасының көлік, логистика және байланыс комитетінің орынбасары (2014-2016);
  • "ҚТЖ" ҰҚ" АҚ директорлар кеңесінің мүшесі (2015-2016);
  • "Қазақстан темір жолы" ұлттық компаниясы" АҚ басқарма төрағасы (2016);
  • Қазақстан Республикасының Еуразиялық экономикалық комиссиясы кеңесіндегі өкілі (2016);

Партия құрамындағы қызметі

  • "Нұр Отан" ХДП саяси кеңесінің мүшесі;
  • "Нұр Отан" ХДП Астана қалалық филиалының төрағасы (2006-2008);

Марапаттары

  • "Ерен еңбегі үшiн" медалі (Қазақстан Республикасы — 1998);
  • "Құрмет" ордені (Қазақстан Республикасы — 2006);
  • "Астанаға 10 жыл" мерейтойлық медалі (Қазақстан Республикасы – 2008);
  • Қасиетті сенген князь Даниил Московский ордені (Ресей Федерациясы – 2010);
  • Екінші дәрежелі "Барыс" ордені (Қазақстан Республикасы – 2011);
  • Астана қаласының құрметті азаматы (Қазақстан Республикасы – 2011);
  • Құрметті теміржолшы (Қазақстан Республикасы – 2012);
  • Құрметті Легион орденінің кавалері (Француз Республикасы – 2013);
  • Міндет Крестінің гранд-офицері (Латвия Республикасы – 2013);
  • Қазақстанның құрметті құрылысшысы (Қазақстан Республикасы  – 2013);
  • "Азаматтық еңбегі үшін" орденінің үлкен кресті (Испания корольдігі – 2014);
  • "Дустулик" ордені (Өзбекстан Республикасы — 2017);

Ғылыми атағы

  • Техникалық ғылымдар кандиаты;

Әскери қызметі, әскери шені

  • Запастағы полковник;

Естеріңізге салайық, ақпан айының 21-і күні Нұрсұлтан Назарбаев «үкімет отставкаға кетуі тиіс» - деп мәлімдеген. Ол өзінің бұл шешімін «Үкіметтің өзіне жүктелген міндеттерді толықтай орындамауымен» түсіндірген.

"The Qazaq Times"