ۆەنەسۋەلا برازيليامەن شەكارانى جاپتى

ۆەنەسۋەلا پرەزيدەنتءى نيكولاس مادۋرو كىشى انتيل ارالى جانە برازيليامەن شەكارانى جاۋىپ تاستادى.

Reuters اگەنتتىگىنىڭ حابارلاۋىنشا، مادۋرو برازيليانىڭ گۋمانيتارلىق كومەگىن ەلگە كىرگىزبەۋ ءۇشىن وسىنداي قادامعا بارعان. ال 23 اقپاندا ۆەنەسۋەلاعا برازيليانىڭ رورايما جانە كيۋراساو ايماعىنان ازىق-تۇلىك جەتكىزىلۋى ءتيىس ەدى. بۇعان دەيىن مادۋرو قۇراما شتات جونەلتكەن كومەكتەن باس تارتقان بولاتىن. ەل پرەزيدەنتىنىڭ بۇل ارەكەتىن وپپوزيتسيونەر حۋان گۋايدو مەن جەرگىلىكتى باق قاتاڭ سىنعا الدى. گۋايدونىڭ ايتۋىنشا، «مادۋرو اقش بيلىگى ءوزىنىڭ ديكتاتورلىق ساياساتىن سىنعا العاننان كەيىن، ادەيى قارسىلىق تانىتىپ وتىر. شىن مانىندە، ۆەنەسەۋلا حالقى كومەككە مۇقتاج. ەلدە تاعام، جانار-جاعارماي تاپشى، قارجى از. ەگەر ماۋدرو قاتەلىگىن مويىنداماسا، كەزەكتى مارتە ەرەۋىل بولۋى مۇمكىن». سول سەبەپتى حالىق ەلدە پرەزيدەنتتىك سايلاۋدىڭ وتكىزىلگەنىن تالاپ ەتتى. «Politico» باسىلىمىنىڭ جازۋىنشا، مادۋرو: «گۋايدو ەگەر مىقتى بولسا، سايلاۋ وتكىزەر ەدى. ول جەرگىلىكتى تۇرعىنداردىڭ وزىنە داۋىس بەرمەيتىنىن بىلەدى جانە ىشتەي قورقادى. گۋايدو ءوزىنىڭ اقش-قا قۋىرشاق ەكەنىن جانە ەل ىشىندە جاي عانا ۇرانداتىپ جۇرگەنىن ءبىلدىردى»، –دەپ، ۆەنەسۋەلا بيلىگىنىڭ پرەزيدەنتتىك سايلاۋ وتكىزۋگە دايىن ەكەندىگىن ايتقان.

"The Qazaq Times"