تاياۋدا اقش پەن كحدر-نىڭ پرەزيدەنتتەرى ۆەتنام استاناسى حانويدا كەزدەسپەك.  قوس باسشى دا بۇل جيىننان ءوز ۇپايىن تۇگەندەۋدى كوزدەپ وتىر.

وسى ورايدا كحدر-نىڭ كوشباسشىسى كيم جوڭ ىڭعا ۇقساس اۋستراليالىق اكتەر گوۆارد ەكستە حانوي ايماعىنا كەلىپ، قاراپايىم ۆەتنام تۇرعىندارىن تاڭعالدىرۋدا.

قازىرگى تاڭدا مۇنىڭ قانداي جوسپاردا ورىندالىپ جاتقاندىعى تەك اكتەردىڭ عانا ويىندا. الايدا، تۇرعىندار اراسىنا شىعۋ ارقاشان جارقىن اسەر سىيلايدى دەيدى ەكس اكتەر.

ەستەرىڭىزگە سالا كەتەيىك، 2018 جىلى گوۆارد ەكس سينگاپۋردە وتكەن اقش پەن كحرد اراسىنداعى العاشقى سامميتكە دە بارعان بولاتىن.

اكتەردىڭ سوزىنشە، ۆەتنامعا ساپارى كەزىندە اۋەجاي قىزمەتكەرلەرى ونىڭ ساياسي كوزقاراسى تۋرالى سۇراقتىڭ استىنا الىپ، جۇك تيەلگەن سومكەسىن تەكسەرىپ، ەكى ساعاتتاي ۇستاعان ەكەن.

"The Qazaq Times"