مادۋرو پرەزيدەنتتىك سايلاۋ وتكىزبەك

ۆەنەسۋەلا پرەزيدەنتى نيكولاس مادۋرو وپپوزيتسيونەر حۋان گۋايدونى ەلدە «ءادىل» تۇردە پرەزيدەنتتىك سايلاۋ وتكىزۋگە شاقىردى.

مادۋرو مەديتسينا فاكۋلتەتىنىڭ تۇلەكتەرىمەن كەزدەسۋ وتكىزىپ، سايلاۋعا قاتىستى پىكىر بىلدىرگەن. ءوز سوزىندە ول: «گۋايدو ەگەر مىقتى بولسا، سايلاۋ وتكىزەر ەدى. ول جەرگىلىكتى تۇرعىنداردىڭ وزىنە داۋىس بەرمەيتىنىن بىلەدى جانە ىشتەي قورقادى. گۋايدو ءوزىنىڭ اقش-قا قۋىرشاق ەكەنىن جانە ەل ىشىندە جاي عانا ۇرانداتىپ جۇرگەنىن ءبىلدىردى»، – دەدى. «Politico» باسىلىمىنىڭ جازۋىنشا، ماۋدۋرو ۆەنەسۋەلا بيلىگىنىڭ پرەزيدەنتتىك سايلاۋ وتكىزۋگە دايىن ەكەندىگىن ايتقان.

وسىعان دەيىن نيكولاس مادۋرو قۇراما شتات جونەلتكەن كومەكتەن باس تارتقان بولاتىن. كەيىننەن مادۋرونى وپپوزيتسيونەر حۋان گۋايدو مەن جەرگىلىكتى باق قاتاڭ سىنعا الدى. گۋايدونىڭ ايتۋىنشا، «مادۋرو اقش بيلىگى ءوزىنىڭ ديكتاتورلىق ساياساتىن سىنعا العاننان كەيىن، ادەيى قارسىلىق تانىتىپ وتىر. شىن مانىندە، ۆەنەسەۋلا حالقى كومەككە مۇقتاج. ەلدە تاعام، جانار-جاعارماي تاپشى، قارجى از. ەگەر ماۋدرو قاتەلىگىن مويىنداماسا، كەزەكتى مارتە ەرەۋىل بولۋى مۇمكىن».

ەسكە سالا كەتەيىك، 23 قاڭتاردا ءوزىن ۋاقىتشا ۇكىمەت پرەزيدەنتى دەپ جاريالاعان گۋايدونى لەگيتيمدى مەملەكەت باسشىسى رەتىندە اقش، كانادا، برازيليا، چيلي، ارگەنتينا، كولۋمبيا، كوستا-ريكا، گۆاتەمالا، گوندۋراس، پاناما، پاراگۆاي جانە پەرۋ ەلدەرى مويىندادى. ال قىتاي مەن رەسەي تاراپى قازىرگى باسشى نيكولاس مادۋرو ۇكىمەتىنە سەنىم ءبىلدىرىپ، بيلىككە وزگە مەملەكەتتەردىڭ ارالاسۋىن «حالىقارالىق قۇقىقبۇزۋشىلىق» دەپ اتادى.

"The Qazaq Times"