يسپانيادا كەزەكتەن تىس سايلاۋ وتەدى

يسپانيادا كەزەكتەن تىس سايلاۋ وتەدى.

يسپانيا پرەمەر-ءمينيسترى پەدرو سانچەس ەلدەگى كورتەستەر تاراتىلىپ، مەرزىمىنەن بۇرىن سايلاۋ وتەتىنى تۋرالى رەسمي مالىمدەمە جاسادى. ەندى 28 ساۋىردە باس كورتەس سايلاۋى وتەدى. بىراق، ەلدەگى وپپوزياتسيالىق توپ سايلاۋدى ەرتەرەك وتكىزۋدى تالاپ ەتىپ وتىر.

11 اقپاندا يسپانياداعى كونسەرۆاتيۆتىك «ۇلتتىق پارتيا»، اسىرە وڭشىل «ۆوكس»، ورتالىقشىل «ازاماتتار» پارتياسى ۇيىمداستىرعان بولاتىن. مادريدتە وتكەن نارازىلىق شەرۋىنە جالپى سانى 45 مىڭعا جۋىق ادام قاتىستى. ورتالىقشىل «ازاماتتار» پارتياسىنىڭ (Ciudadanos) مۇشەلەرى ەلدىڭ پرەمەر-ءمينيسترى پەدرو سانچەستىڭ سەپاراتيستەرمەن كەلىسسوزدەر جۇرگىزۋ ءۇشىن دەلدال تاعايىنداۋ جوسپارى وتانعا وپاسىزدىق جاساۋمەن تەڭ ايىپتادى. سونىمەن قاتار، سەپاراتيستەر ەل پرەمەر-ءمينيسترى پەدرو سانچەستىڭ بيلىكتەن كەتۋىن جانە مەرزىمنەن تىس جالپىۇلتتىق سايلاۋ وتكىزۋدى تالاپ ەتكەن. وسى شەرۋدەن كەيىن يسپانيا بيلىگى سەپاراتيستەردى جاپپاي تەرگەۋگە الىپ وتىر. بيلىكتىڭ بۇل شەشىمىنە قارسىلىق بىلدىرۋشىلەر، ياعني سەپاراتيستەردى جاقتاۋشىلار سوت عيماراتىنىڭ جانىندا دەمونستراتسيا جاسادى.

ءالى كۇنگە دەيىن ەلدەگى كاتالونيالىق ساياساتكەرلەر مەن سوتسياليستەر ءبىر شەشىمگە كەلگەن جوق. ساراپشى مامانداردىڭ ايتۋىنشا، كەزەكتەن تىس سايلاۋدا سوتسياليستىك پارتيا جەڭىسكە جەتەدى.

"The Qazaq Times"