اقش زىمىران قوندىرعىلى كەمەلەرى وڭتۇستىك قىتاي تەڭىزىنە كىردى

اقش-تىڭ ءۇندى-تىنىق مۇحيت تەڭىز اسكەري كۇشتەرىنە قاراستى سوعىس كەمەلەرى وڭتۇستىك قىتاي تەڭىزىندەگى قىتاي تەڭىز كۇشتەرى باقىلاۋىنداعى ارالداردىڭ جاقىن ماڭدا اسكەري وپەراتسيا جۇرگىزدى.

قۇراما شتاتتىڭ  CNN تەلەارناسى تاراتقان حاباردا، اقش تەڭىز اسكەري كۇشتەرىنە قاراستى  «USS Spruance» جانە «USS Preble»  اتتى زىمىران قوندىرعىلى جويعىش كەمەلەرى قىتاي تەڭىز كۇشتەرى ۇزدىكسىز باقىلاپ تۇراتىن پارسال ارالدارىنىڭ ماڭىندا سۋ ءۇستى شارلاۋىن جۇرگىزگەن.

قىتاي سىرتقى ىستەر مينيسترلىگى مەن قورعانىس ءمينيسترى مالىمدەمەسىندە، اقش كەمەلەرىنىڭ ارەكەتىن ايىپتاپ، بۇل جاعدايدى قىتاي-اقش قارىم-قاتىناسىنا جانە ءوڭىردىڭ تۇراقتىلىعىنا كەرى اسەر ەتەدى دەپ باعالاعان.

الايدا، اقش تەڭىز كۇشتەرى 7-ءشى پلوتىنىڭ رەسمي وكىلى كلاۆ دوسس مالىمدەمەسىندە: «اقش كەمەلەرى وڭتۇستىك قىتاي تەڭىزىن قامتىعان ءۇندى-تىنىق مۇحيتىنداعى حالىقارالىق تەڭىز جولدارىندا ۇنەمى شارلاۋ جۇرگىزىپ كەلەدى. ءبىزدىڭ بۇل ارەكەتىمىز حالىقارالىق ەرەجەلەر اياسىندا جاسالادى»، – دەگەن.

“The Qazaq Times”