فوتو: AP, Kamil Zihnioglu

فرانتسيا استاناسى پاريجدە «سارى جەيدەلىلەر» ون ءۇشىنشى رەت ەرەۋىل ۇيىمداستىردى. بۇل تۋرالى رەسمي ار مالىمدەدى.

ەرەۋىل سوڭى جاپپاي تارتىپسىزدىككە ۇلاسىپ، سالدارىنان توعىز ءتارتىپ ساقشىسى جاراقات الدى جانە 36 ادام قاماۋعا الىندى. نارازى توپ كوشە بويىنداعى دۇكەندەر مەن كەڭسەلەردى قيراتقان.

Europe1 راديوسىنىڭ حابارلاۋىنشا، فرانتسيا پرەزيدەنتى مامىردان باستاپ بارلىق ەڭبەك جالاقىسىنا كەم دەگەندە 100 ەۋرو قوسىلاتىندىعىنا ۋادە بەردى. سونداي-اق، داعدارىس كەزىندە ونى ەركىن باسىپ ءوتۋ ءۇشىن ءاربىر كومپانيا وزدەرىنىڭ قىزمەتكەرلەرىنە جىلدىق بونۋس تولەۋى ءتيىس. وسىلايشا، فرانتسيا ۇكىمەتى حالىق تالابىن ەسكەرەتىنىن ءبىلدىردى. دەگەنمەن، فرانتسۋز حالقىنىڭ ءبىراز بولىگى ماكروننىڭ ۋادەسىنە سەنىم بىلدىرە قويمادى. پرەزيدەنت ماكرون 2019 جىلدان باستاپ فرانتسيا ەكونوميكاسى بۇرىنعىدان نىعايىپ، جۇمىس بەرۋشىلەرگە جىل سوڭىندا قىزمەتكەرلەرىگە سىياقى تولەۋدى مىندەتتەپ، زەينەتكەرلەر مەن ازاماتتارعا قوسىمشا تابىس سالىعىن الىپ تاستايتىنىن مالىمدەگەن.

ەسكە سالا كەتەيىك، 17 قاراشادان بەرى فرانتسيادا جانارماي اكتسيزىن كوتەرۋگە قارسىلىق اكتسيالارى ءوتىپ جاتىر. كەي ايماقتاردا شەرۋدىڭ سوڭى تارتىپسىزدىككە ۇلاسىپ، بەس جۇزدەن استام ادام ۇستالدى.

"The Qazaq Times"