ۇلىبريتانيا پرەمەر-ءمينيسترى تەرەزا مەي جانە ەۋروكوميسسيا باسشىسى جان-كلود يۋنكەر. فوتو: s0.rbk.ru

ەۋروپالىق وداق Brexit بويىنشا كەلىسىمدى قايتا قاراۋدان باس تارتتى.

ۇلىبريتانيا پرەمەر-ءمينيسترى تەرەزا مەي مەن ەۋروكوميسسيا باسشىسى جان-كلود يۋنكەر وسى ماسەلەگە قاتىستى كەزدەسۋ وتكىزىپ، مەي ۇكىمەتى ەۋرووداقتان شىعۋ كەلىسىمىنىڭ كەيبىر بولىمدەرىنە وزگەرتۋ ەنگىزۋ تۋرالى ۇسىنىس بىلدىرگەن. بىراق، ەۋروكوميسسيا بۇل ۇسىنىستى قاراۋدان باس تارتتى. يۋنكەردىڭ ايتۋىنشا، ەو ۇلىبريتانيامەن كەلەشەك قاتىناستار تۋرالى ساياسي مالىمدەمەگە وزگەرتۋلەر ەنگىزۋگە دايىن.

Brexit تاقىرىبى ساياساتتاعى كۇن تارتىبىندە تۇرعان ماسەلەگە اينالعالى بەرى، سولتۇستىك يرلانديا مەن يرلانديا رەسپۋبليكاسى شەكاراسىنىڭ بولاشاعى دا تالقىلانا باستادى. ەو اتالعان مەملەكەت اراسىندا قاتاڭ تولقۇجاتتىق باقىلاۋ مەن شەكارالىق داۋ بولماۋى ءتيىس دەگەن تالاپ قويدى. سونىمەن قاتار، ۇلىبريتانيا 2019 جىلعى 29 ناۋرىزدا ەو-دان شىققاننان كەيىن ەو-عا 39 ملرد فۋنت ستەرلينگ تولەيدى. ۇلىبريتانيانىڭ ەۋرووداقتان شىعۋىنا جەتپىس كۇن قالعاندا تەرەزا مەي دەپۋتاتتارعا قوسىمشا جوسپارىن تانىستىرادى.

"The Qazaq Times"