ەۋروپارلامەنت وتىرىسى ناتيجەسىندە گەرمانيانىڭ قورعانىس ءمينيسترى ۋرسۋلا فون دەر ليايەن ەۋروكوميسسيا توراعاسى بولىپ سايلاندى. ءسويتىپ ول ەۋروپا وداعى اتقارۋشى جوعارى بيلىك ورگانىنىڭ باسشىلىعىنا تاعايىندالعان ءبىرىنشى ايەل اتاندى.
ەۋروپا پارلامەنتىندەگى 383 دەپۋتات ۋرسۋلا فون دەر ليايەننىڭ كانديداتۋراسىن قولداپ داۋىس بەرسە، 327 دەپۋتات قارسىلىق بىلدىرگەن. 22-ءسى قالىس قالعان. ال وسىعان دەيىن اتالعان قىزمەتتى اتقارعان جان-كلود يۋنكەر 2014 جىلى 422 داۋىس جيناعان. داۋىس بەرۋ الدىندا سويلەگەن سوزىندە ۋرسۋلا فون دەر ليايەن ەۋروكوميسسياداعى گەندەرلىك بالانستىڭ ساقتالۋىنا نازار اۋداراتىنىن ايتىپ، Brexit ماسەلەسىن تىلگە تيەك ەتكەن.
ەندى ۋرسۋلا فون دەر ليايەن 1 قاراشادان باستاپ ەۋروپا كوميسسياسىنىڭ قازىرگى توراعاسى جان-كلود يۋنكەردىڭ ورنىن باسادى. ەو ءسامميتىنىڭ قورىتىندىسى بويىنشا جەڭىسكە جەتكەن گەرمانيا قورعانىس ءمينيسترى ەۋروكوميسسيانى 2019-2024 جىلدار ارالىعىندا باسقارادى.
4 شىلدەدە بريۋسسەلدە ەۋرووداقتىڭ جاۋاپتى لاۋازىمدارىنا ۇمىتكەرلەردى سايلاۋعا قاتىستى ۇشكۇندىك مارافون مارەسىنە جەتكەن بولاتىن. ناتيجەسىندە، ەۋروكەڭەس توراعالىعىنا بەلگيا پرەمەرى شارل ميشەل سايلاندى. وداققا مۇشە 28 مەملەكەت باسشىلارىنىڭ شەشىمى بويىنشا ەۋروكوميسسيا پرەزيدەنتى قىزمەتىنە گەرمانيانىڭ قورعانىس ءمينيسترى ۋرسۋلا فون دەر ليايەن ۇسىنىلعان. ەۋروپانىڭ ورتالىق بانكىنە حالىقارالىق ۆاليۋتا قورىنىڭ وكىمشى-ديرەكتورى كريستين لاگارد، ال ەو ديپلوماتياسى باسشىسىلىعىنا يسپانيا سىرتقى ىستەر ءمينيسترى جانە ەۋروپارلامەنتتىڭ بۇرىنعى توراعاسى جوزەپ بوررەل كانديداتۋراسى لايىقتى دەپ تانىلدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى