ۋكراينا ناتو مەن ەو-عا مۇشە بولادى

ۋكراينا الداعى ۋاقىتتا ناتو مەن ەۋروپالىق وداققا مۇشە بولماق. بۇل تۋرالى BBC حابارلادى.

وداققا قوسىلۋ تۋرالى زاڭ جوباسىن پرەزيدەنت پەتر پوروشەنكو ۇسىنىپ، ۋكراينانىڭ كونستيتۋتسيالىق سوتى بۇل شەشىمدى ماقۇلداعان. وسى ماقساتتا ۋكراينا كونستيتۋتسياسىنا «مەملەكەتتىڭ ستراتەگيالىق باعدارى –ناتو مەن ەو قۇرامىنا كىرۋ» ءبولىمى ەنگىزىلدى. اتالعان زاڭ جوباسىن ەنگىزۋگە قاتىستى پارلامەنتتەگى 355 دەپۋتاتتىڭ 300-ءى قولداپ داۋىس بەرگەن. مۇنىمەن قوسا ۋكراينا دەپۋتاتتارى «ەلدەگى سايلاۋعا رەسەي باقىلاۋشىلارىنىڭ قاتىسۋىنا تىيىم سالۋ تۋرالى زاڭ جوباسىن» قابىلدادى. جوبادا كورسەتىلگەندەي، «جوعارى رادا اگرەسسور ەل دەپ تانىعان مەملەكەتتىڭ ازاماتى سايلاۋعا باقىلاۋشى بولا المايدى» دەپ بەكىتىلدى.

وسىعان دەيىن جوعارى رادا دەپۋتاتى، «پەتر پوروشەنكو بلوگى» فراكتسياسىنىڭ ءبىرىنشى ورىنباسارى يگور كونونەنكو مەركەلمەن كەزدەسۋ ۇيىمداستىرىپ، ۋكراينانىڭ ناتو مەن ەۋروپالىق وداق قۇرامىنا ەنۋى تۋرالى جان-جاقتى تالقىلاعان بولاتىن. ول «ەۋروپاتسەنتريزمگە ەنۋ ءۇشىن بەس جىل دا جەتكىلىكتى» ەكەندىگىن ايتقان. ال ناتو-نىڭ پارلامەنتتىك اسسامبلەياسى «اگرەسسورلىق رەسەيدىڭ قاۋىپ-قاتەرىنە قارسى تۇرۋ ءۇشىن» ۋكراينانى اليانسقا قوسۋدى تالقىلاعان. الايدا، ماسكەۋ تاراپى شىعىس ەۋروپادا باسقىنشىلىق ساياسات جۇرگىزىپ وتىرعانىن تۇبەگەيلى جوققا شىعاردى.

"The Qazaq Times"