سولتۇستىك ماكەدونيا رەسمي تۇردە ناتو-عا مۇشە بولدى.

Reuters اگەنتتىگىنىڭ حابارلاۋىنشا، بريۋسسەلدەگى شتاب-پاتەردە وتكەن جيىندا ماكەدونيا مەن ناتو تاراپى ەكىجاقتى كەلىسىمگە قول قويىپ، مەملەكەت ءىرى ۇيىمنىڭ 30-شى مۇشەسى رەتىندە بەكىتىلگەن. شارادا ناتو باس حاتشىسى يەنس ستولتەنبەرگ: «وسى شەشىمنەن كەيىن اليانس تالاپتارىنا بارىنشا ساي، ادام ەركىندىگى مەن قۇقىقتىق ۇستەمدىگى ساقتالعان مەملەكەتتەردىڭ ۇيىم مۇشەلىگىنە وتە الاتىندىعىن كەزەكتى مارتە دالەلدەندى»، – دەدى. الداعى ۋاقىتتا ماكەدونيا ءۇشىن بالقان جانە وڭتۇستىك-شىعىس ەۋروپا ايماعىنىڭ قاۋىپسىزدىگىن ساقتاۋ تۋرالى بىرقاتار تالاپتار قويىلدى.

2017 جىلى بيلىك باسىنا كەلگەن جاڭا پرەمەر-مينيستر زوران زاەۆ ماكەدونيا رەسپۋبليكاسىنىڭ اتاۋىن وزگەرتۋگە دايىن ەكەنىن جانە بۇل تۋرالى گرەكيامەن كەلىسىمگە كەلۋگە بولاتىنىن مالىمدەگەن ەدى. الايدا، مەملەكەت اتاۋىن وزگەرتۋگە قاتىستى كەلىسپەۋشىلىكتەر ورىن الىپ، ونىڭ ارتى حالىقارالىق داۋعا ۇلاستى. سول سەبەپتى سولتۇستىكاتلانتيكالىق اليانستىڭ باس حاتشىسى يەنس ستولتەنبەرگ ماكەدونيا ءوزىنىڭ كونستيتۋتسيالىق اتاۋىن وزگەرتۋگە كەلىسپەسە، ونىڭ ناتو قۇرامىنا ەنۋى مۇمكىن ەمەس ەكەندىگىن ەسكەرتكەن.

"The Qazaq Times"