قازاقستان مەن رەسەيدىڭ 41 ميلليون باررەل مۇنايى تيەلگەن تانكەر بوسفور مەن داردانەلل ماڭىندا بۇعاتتالدى. اتالعان جاعداي 2018 جىلى تۇركيا ەلىنىڭ بۇعازدى كەسىپ ءوتۋ تۋرالى شىعارعان جاڭا ەرەجەسىنە بايلانىستى دەپ حابارلايدى REGNUM.

قازىرگى تاڭدا تۇركيانىڭ بۇعازىنان ءوتۋ ءۇشىن 55 تانكەر ءوز كەزەگىن كۇتۋدە. ونىڭ ىشىندە 21 تانكەر suezmax بولسا، 26 تانكەر alframax ساناتىنا جاتادى.

ەستەرىڭىزگە سالا كەتەيىك، وتكەن جىلدىڭ قىركۇيەك ايىندا انكارا تەڭىز جولىنىڭ ەرەجەسىن كۇشەيتكەن. كەمەلەردىڭ سانىن ءوسىرىپ، ولاردىڭ ارقايسىسى تىركەمە (بۋكسير) پايدالانۋدى مىندەتتەگەن. وسىنىڭ سالدارىنان تانكەرلەر اراسىندا كەپتەلىس ورناپ، استىق تاسمالدايتىن تەڭىز كولىكتەرى دە تىعىرىققا تىرەلدى. بۇرىن قارا تەڭىزدەگى مۇنداي كەپتەلىستەر 5-6 كۇنگە سوزىلسا، بۇگىندە 16 كۇنگە دەيىن جەتەدى ەكەن.

2019 جىل باستالعاننان بەرى قارا تەڭىز ايماعىنداعى كەپتەلىس رەكوردتىق كورسەتكىشكە جەتكەن.

ال، وسى جاعدايعا بايلانىستى رەسەي فەدەراتسياسى دا تۇركياعا قارسى قىسىم كورسەتۋگە تىرىسىپ باعۋدا. قازىرگى تاڭدا قىسقا مەرزىمدە تۇركيادان رەسەيگە ءىس-ساپارعا شىعاتىن جۇك تاسمالداۋشى كولىكتەردىڭ جۇرگىزۋشىلەرىنە بەرىلەتىن ۆيزاعا توسقاۋىل قويدى.

"The Qazaq Times"