سەربياداعى جەلتوقساندا باستالعان حالىق نارازىلىعى ءالى كۇنگە دەيىن باسىلار ەمەس. بۇل جولى مىڭداعان ادام «زەينەتاقىنى قايتارىڭدار!» ۇرانىمەن بەلگراد كوشەلەرىن جاۋىپ تاستاعان.

وسىعان دەيىن جەرگىلىكتى حالىق «سەربيا، ويان!» دەگەن شەرۋ ۇيىمداستىرىپ، ۇكىمەتتەن كوسوۆومەن اراداعى كەلىسىم بويىنشا تولىق ماعلۇمات بەرۋدى جانە ەل پرەزيدەنتى الەكساندر ءۆۋچيچتىڭ بيلىكتەن كەتۋىن تالاپ ەتكەن بولاتىن. بەلگرادتاعى جوعارى وقۋ ورىندارىنان جينالعان ستۋدەنتتەر ەلدە ازاماتتىق جانە داۋىس بەرۋ ەركىندىگىنىڭ جوقتىعىن ايتىپ، «ديكتاتور كەتسىن!»، «كلاندىق جۇيەگە جول جوق!» سىندى پلاكاتتار ۇستاپ شىققان. وپپوزيتسيا وكىلدەرى بيلىك كوسوۆومەن اراداعى ماسەلەدە ۇلتتىق مۇددەنى ساتىپ كەتتى دەيدى. ەگەر بيلىك حالىق مۇڭىنا قۇلاق اسپاسا، نارازىلىق شەرۋلەرى سەربيانىڭ وزگە دە قالالارىندا جالعاسىن تاپپاق.

"The Qazaq Times"