قىرعىزستاندا ەكىنشى رەسەيلىك بازا اشىلۋى مۇمكىن

قىرعىزستاننىڭ رەسەيدەگى ەلشىسى اليكبەك جەكشەنكۋلوۆ قىرعىزستان اۋماعىندا رەسەيدىڭ تاعى ءبىر اسكەري بازاسىنىڭ اشىلۋ، اشىلماۋىنا قاتىستى پىكىر ءبىلدىردى.

«اسكەري بازانىڭ اشىلۋى، نە اشىلماۋى جونىندەگى ماسەلەنى تىكەلەي ەكى ەلدىڭ باسشىلارى جانە كۇشتىك قۇرىلىمدارى شەشەدى. بۇل ماسەلە ناۋرىز ايىندا وتەتىن ەكى ەل باسشىلارىنىڭ كەزدەسۋىندە تالقىلانۋى مۇمكىن»، - دەدى جەكشەنكۋلوۆ.

بىراق ول ۇجىمدىق قاۋىپسىزدىك تۋرالى شارت ۇيىمىنا مۇشە ەلدەرگە "يسلام مەملەكەتى" (يم) تەرروريستىك توبىنىڭ سودىرلارى جىبەرىلىپ جاتقاندىعى جونىندە اقپاراتتەر كەلىپ جاتقاندىعىن ايتادى. «ولاردىڭ تاجىكستاننان ءوتىپ، ءارى قاراي ءبىزدىڭ اۋماققا بارۋ قاۋىپى ءوسىپ جاتىر»، - دەيدى ول.

قىرعىزستاندا رەسەيدىڭ بىرنەشە اسكەري بازاسى بار. ەڭ ءىرىسى – كانت قالاسىنداعى اۋەبازا. 2012 جىلى اتاملىش بازاعا ىستىق كولدەگى اسكەري-تەڭىز بازاسى، مايلۋ-سۋداعى سەيسمولوگيالىق بەكەت جانە چالدوۆارداعى اسكەري بازا بىرىكتىرىلگەن.

2018 جىلدىڭ جەلتوقسان ايىندا قىرعىزستان پرەزيدەنتى سوورونباي جەەنبەكوۆ «قىرعىزستان ءۇشىن ءبىر رەسەيلىك بازا جەتەدى، ەكىنشى بازا اشۋ تۋرالى اڭگىمە بولعان ەمەس» دەپ مالىمدەگەن.

"The Qazaq Times"