الەم بۇرىن-سوڭدى بولماعان اشارشىلىق قاۋپىندە تۇر

بۇۇ-نىڭ ازىق-تۇلىك جانە اۋىل شارۋاشىلىق ۇيىمى جاريالاعان مالىمەتكە قاراعاندا، الەمدە 56 ملن ادام جەدەل ازىق-تۇلىك جاردەمىنە مۇقتاج. بۇلاردىڭ باسىم كوبى سوعىس جانە ءتۇرلى قاقتىعىس بولعان 8 ەلدىڭ تۇرعىندارى.

مالىمەتتە ايتىلۋىنشا، سوعىس پەن قاقتىعىس سالدارىنان اۋعانستان، يەمەن، ورتالىق افريكا رەسپۋبليكاسى، كونگو دەموكراتيالىق رەسپۋبليكاسى، وڭتۇستىك سۋدان قاتارلى ەلدەردە اشارشىلىق بولۋدا. بۇلاردان تىس ءسۇريا، سومالي جانە چاد ەلدەرىندە دە جاعداي تىم اۋىر. وسى ەلدەردىڭ 56 ملن تۇرعىنى جەدەل ازىق-تۇلىك، تۇرمىستىق كەرەك-جاراق جانە ءدارى-دارمەك كومەگىنە مۇقتاج.

بۇۇ مالىمەتىندە ايتىلۋىنشا، كەي ەلدەردى ۇزاق ۋاقىتتان بەرى جالعاسقان سوعىستار بۇرىن-سوڭدى بولىپ كورىلمەگەن اشارشىلىقتى الىپ كەلگەن. حالىقارالىق قاۋىمداستىق اتالعان ەلدەرگە گۋمانيتارلىق كومەك كورسەتۋدى تەز ارادا ۇيىمداستىرۋ كەرەك ەكەنىن باسا ايتادى.

الايدا، مالىمەتتە تۇرعىندارعا جەتكىزىلەتىن گۋمانيتارلىق كومەكتەرگە ءتۇرلى قارۋلى توپتار جاعىنان شابۋىلداردىڭ دا جيىلەي تۇسكەنى ايتىلعان. ءتىپتى، كەي ەلدەردە حالىقارالىق قاۋىمداستىق گۋمانيتارلىق كومەك قىزمەتىن توقتاتۋعا ءماجبۇر بولعان.

قازىر الەمدە گۋمانيتارلىق داعدارىس ەڭ اۋىر ەل يەمەن بولىپ سانالادى. وندا التى ميلليوننان استام ادام اشارشىلىق قاۋپىندە ءومىر سۇرۋدە. بۇنىڭ جارتىسىنا جۋىعى بالالار.

“The Qazaq Times”