![](https://qazaqtimes.com/kk/content/uploads/2019/01/bd6f21d866f076f1826a07c556006772-800x480.jpg?token=482d4ad363714dcab8f5092f2b8bf63e)
نيكول پاشينيان ارمەنيانىڭ ەۋرازيالىق ەكونوميكالىق وداقتان شىعۋىنا قارسى.
رەسەي استاناسى ماسكەۋ قالاسىنداعى ەۋرازيالىق ەكونوميكالىق كوميسسيا شتاب پاتەرىندە وتكەن ءباسپاسوز ءماسليحاتىندا ارمەنيا پرەمەر-ءمينيسترى نيكول پاشينيان جۋرانليستەر سۇراعىنا جاۋاپ بەردى.
وندا ول باق وكىلدەرىنىڭ: «ءسىز بۇعان دەيىن ەۋرازيالىق ەكونوميكالىق وداققا كىرۋ قاتەلىك دەپ ەسەپتەدىڭىز. بۇل الداعى ۋاقىتتا اتالمىش شەشىمگە قاراما-قارسى قادامدار جاسالادى دەگەن ءسوز ەمەس پە؟» - دەگەن سۇراعىنا: «اقش پرەزيدەنتى باراك وباما ءوز زامانىندا بۋشتىڭ يراكقا اسكەر كىرگىزۋى قاتەلىك دەپ ەسەپتەدى جانە وسى قاتەلىكتى تۇزەۋ ءۇشىن اسكەرىن كەرى شىعاردى. ءدال وسى قاراما-قارسى قادامنىڭ سالدارىنان «يسلام مەملەكەتى» پايدا بولدى. بۇگىنگى ارمەنيا ەۋرازيالىق ەكونوميكالىق وداق مۇشەسى. مەنىڭ ويىمشا، حالىقارالىق ساياساتتا ءدال قازىر باسقا باعىتقا بۇرىلۋ جاقسىلىققا اپارمايدى» - دەپ مالىمدەدى.