قىتاي اسكەري قىسىمىنا قارسى تايۆان قورعانىس قۋاتىن جەدەل ارتتىرۋدا

قىتايدىڭ تايۋانعا (تايۆان) قاراتقان اسكەري قىسىمى كۇشەيگەن سايىن، تايۋان تارابى دا قورعانىس قۋاتىن جەدەل ارتتىرىپ، تۋىلۋى مۇمكىن سوعىس قاتەرىنە دايىندالۋدا.

تايۋان پرەزيدەنتى تساي يىڭۆىن (Cai Yingwen) حانىم تايۋانداعى عىلىم اكادەمياسىن ارالاعان كەزدە زىمىران ءوندىرىسىن تەزدەتۋدى تاپسىردى. ول سوزىندە: "تايۋان قاۋىپسىزدىگى قاتەرگە ۇشىراعاندا نەمەسە كۇردەلى ۇلتتىق قاۋىپسىزدىك جاعدايىندا ۇلتتىق قاۋىپسىزدىكتىڭ شۇعىل قاجەتتىگىنە وراي تايۋان عىلىم اكادەمياسى Tiangong-3 جانە Xiongfeng-3  زىمىراندارعا بولعان قاجەتتىلىكتى تولىق وتەۋى ءتيىس", – دەدى.

بريتانيانىڭ «Economist» جۋرنالىنىڭ 25 قاڭتارداعى حابارىندا، قىتايدىڭ ارتا تۇسكەن اسكەري قىسىمىنا بايلانىستى، تايۋاننىڭ قورعانىس قۋاتىن جەدەل دامىتىپ، «جۇتىلىپ» كەتپەۋگە دايىندالىپ وتىرعانىن جازعان. دەگەنمەن، بەيجىڭ ءۇشىن تايۋانعا قارۋلى كۇش جۇمساۋدىڭ وڭاي بولمايتىنىن، ءارى بۇل ءبىر عانا تايۋان مەن قىتاي اراسىنداعى قايشىلىق ەمەس ەكەنىن وسىدان بۇرىن دا ايتقان ەدىك.

دەموكراتيالىق پارتيانىڭ وكىلى بولعان ساي يىڭۆىن حانىم 2015 جىلى 20 مامىردا بيلىككە كەلگەن. بەيجىڭ بيلىگى ساي يىڭۆىن ۇكىمەتىنەن ساياسي بايلانىستار مەن كونسۋلتاتسيالاردىڭ العى شارتى رەتىندە «92 كونسەنسۋستى» قابىلداۋدى تالاپ ەتەدى. الايدا، تايۋان ۇكىمەتى 1992 جىلعى تاريحي كەلىسىمدى نەگىز ەتە وتىرىپ، بەيجىڭ تارابى ۇسىنعان «92 كونسەنسۋستى» قابىلداۋدان باس تارتىپ كەلەدى. بۇل بەيجىڭ مەن تايبەي اراسىنداعى ساياسي الاۋىزدىقتى ءورشىتىپ، تايۋاننىڭ حالىقارالىق ۇيىمدارعا قاتىسۋىنا، وزگە ەلدەرمەن ديپلوماتيالىق بايلانىس ورناتۋىنا بەيجىڭ تارابىنان كەدەرگىلەر جاسالۋدا.

“The Qazaq Times”