مالايزيادا جاڭا كورول سايلاندى

رياياتۋددين ءال-مۋستافا بيللاح ابدۋللا مالايزيانىڭ ون التىنشى كورولى بولىپ سايلاندى.

«بەرناما» اگەنتتىگىنىڭ جازۋىنشا، كۋالا-لۋمپۋردە وتكەن مالايزيا بيلەۋشىلەر كەڭەسىنىڭ وتىرىسىندا جاڭا باسشى تانىستىرىلىپ، حالىق الدىندا ەل بيلىگىنە قاتىستى جوسپارلار تالقىلانعان. ءوز مالىمدەمەسىندە بيللاح ابدۋللا بيلىكتەگى جەمقورلىقپەن كۇرەسىپ، ەركىن  مەملەكەت رەتىندە قالىپتاسۋعا كۇش سالاتىنىن ايتقان. نەگىزىنەن 2009 جىلى «Freedom House» انىقتاماسى بويىنشا «الەمدەگى ەركىندىك جاعدايى – 2008» (Freedom in the World) رەيتينگىسىنە سايكەس، مالايزيا «ەركىندىگى تولىق قالىپتاسپاعان مەملەكەتتەر» كاتەگورياسىنا ەنگەن بولاتىن. سەبەبى، ساياسي رەفورمالاردىڭ جەتكىلىكسىزدىگىنەن قوعامنىڭ ەتنو-ءدىني قۇرىلىمىمەن بايلانىستى ماسەلەلەر جانە بيلىك جۇيەسىندەگى كوررۋپتسيا ارتقان.

ايتا كەتەيىك، كونستيتۋتسيا بويىنشا ءار بەس جىل سايىن مالايزيادا كورول سايلاۋى وتەدى. ەل تاريحىندا مۇرا رەتىندە قالىپتاسقان ءداستۇر بويىنشا كورول توعىز سۇلتان اراسىنان تاعايىندالادى. ءار سۇلتان ەلدەگى جەكەلەگەن توعىز شتاتتى باسقارادى.

"The Qazaq Times"