ماحاتحير مەن ابە بىرلەسكەن مالىمدەمە جاسادى. فوتو: mainichi.jp

مالايزيا پرەمەر-ءمينيسترى مەملەكەتتىڭ سىرتقى قارىزىن وتەۋ ءۇشىن جاپونيادان نەسيە سۇرادى. بۇل تۋرالى «شينلاڭ» اقپاراتتىق سايتى حابارلادى.

جاپونيانىڭ ورتالىق قالاسى توكيودا 24-ءشى كەزەكتى ۇيىمداستىرىلعان «ازيا بولاشاعى» اتتى حالىقارالى Nikkei كونفەرەنتسياسى وتۋدە. كونفەرەنتسياعا قاتىسۋ ءۇشىن توكيوعا بارعان مالايزيا پرەمەرى ماحاتحير مۇحاممەد جاپونيانىڭ باس ءۋازىرى (پرەمەر-ءمينيسترى) شينزو ابەمەن كەزدەستى.

كەزدەسۋدە ماحاتحير مۇحاممەد مالايزيانىڭ سىرتقى قارىزىن وتەۋ ءۇشىن جاپونيا ۇكىمەتىنەن نەسيە سۇراعان. جاپونيا تارابى ءوتىنىشتى قاراستىراتىنىن جەتكىزگەن.

مامىر ايىندا بيلىككە كەلگەن ماحاتحير مۇحاممەد وسىدان بۇرىنعى مالىمدەمەسىندە الدىنعى ۇكىمەت كەزىندە مالايزيانىڭ سىرتقى قارىسى 252 ملرد اقش دوللارى بولعانىن ايتقان.

“The Qazaq Times”