ۋكراينانىڭ وپپوزيتسيالىق "باتكيۆششينا" پارتياسىنىڭ جەتەكشىسى يۋليا تيموشەنكو پرەزيدەنت سايلاۋىنا قاتىساتىنىن مالىمدەدى. ول بۇل مالىمدەمەسىن پارتيانىڭ كيەۆتە وتكەن سەزىندە ايتتى. تيموشەنكو "جاڭا ەكونوميكالىق باعدار" ("نوۆىي ەكونوميچەسكي كۋرس") دەپ اتالاتىن باعدارلاما ۇسىنباق.
كيەۆ حالىقارالىق ينستيتۋتى جۇرگىزگەن الەۋمەتتىك ساۋالناما بويىنشا ۋكراينا پرەزيدەنتىنە كانديداتتاردىڭ اراسىندا قازىر تيموشەنكو - فاۆوريت.
يۋليا تيموشەنكو دنەپردە تۋعان. 1997 جىلى العاش رەت جوعارعى راداعا دەپۋتات بولىپ سايلانعان. 1999-2001 جىلدار ارالىعىندا ۋكراينا پرەمەر-ءمينيسترىنىڭ ورىنباسارى بولعان جانە رەسەيمەن گاز ماسەلەلەرى جونىندە كەلىسسوز جۇرگىزگەن. 2004 جىلى ۆيكتور يۋششەنكو ەكەۋى "قىزعالداق رەۆوليۋتسياسىن" ۇيىمداستىردى. 2005 جىلى اقپاننان قىركۇيەككە دەيىن ۋكراينا ۇكىمەتىن باسقاردى.
ول - تمد ەلدەرى اراسىندا تاعايىندالعان تۇڭعىش ايەل پرەمەر-مينيستر. بىراق ۆيكتور يانۋكوۆيچ پرەزيدەنت بولىپ سايلانعان سوڭ 2011 جىلى "رەسەيمەن گاز شارتتارىن جاساۋ كەزىندە قىزمەتىن اسىرا پايدالاندى" دەپ ايىپتالىپ، 7 جىلعا سوتتالدى. 2014 جىلى بيلىك اۋىسقان سوڭ جوعارعى رادا تيموشەنكونى بوساتتى.
ۋكراينادا پرەزيدەنت سايلاۋى بيىل 31 ناۋرىزدا وتەدى. بۇعان دەيىن شوۋمەن ۆلاديمير زەلەنسكي، راديكالدى پارتيا باسشىسى ولەگ لياشكو، لۆوۆ مەرى اندرەي سادوۆىي سايلاۋعا تۇسۋگە دايىن ەكەندەرىن ايتقان.
قازىرگى پرەزيدەنت پەتر پوروشەنكونىڭ سايلاۋعا ءتۇسۋ-تۇسپەۋى ءالى بەلگىسىز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى