كرەمل جاپونيامەن اراداعى كۋريل ارالدارى جونىندەگى كەلىسسوزدەر تىعىرىققا تىركەلگەنىن مالىمدەدى. رەسەي پرەزيدەنتىنىڭ كەڭەسشىسى يۋري ۋشاكوۆتىڭ ايتۋىنشا، كەلىسسوزدەرگە جاپونيا پرەمەر-ءمينيسترى سيندزو ابەنىڭ مالىمدەمەسى اسەر ەتكەن.
قاڭتار ايىنىڭ باسىندا ابە اۋماقتى تاپسىرعان سوڭ ارالداعى رەسەيلىكتەردىڭ وندا تۇرا بەرۋىنە جاپونيا قارسى ەكەنىن مالىمدەگەن. "كەلىسسوزدەر تىعىرىققا تىرەلگەنى راس", - دەدى ۋشاكوۆ.
جاپونيا يتۋرۋپ، شيكوتان، كۋناشير جانە حابوماي ارالدارى رەسەيگە تيەسىلى دەگەنگە قارسى.
بۇل ارالداردى كسرو ەكىنشى دۇنيەجۇزىلىك سوعىس سوڭىندا باسىپ العان. ارالدار توڭىرەگىندەگى داۋعا بايلانىستى رەسەي مەن جاپونيا ءالى كۇنگە دەيىن بەيبىت كەلىسىمگە كەلگەن جوق. بىلتىرعى جىلدىڭ قاراشا ايىندا ابەنىڭ رەسەي پرەزيدەنتى ۆلاديمير پۋتينمەن كەزدەسۋىنەن سوڭ جاپونيا 1956 جىلعى ارالدار تۋرالى دەكلاراتسياعا قايتا ورالۋعا دايىن ەكەندىگى ءمالىم بولدى.
اتالمىش قۇجات بويىنشا، كسرو ەكى ەل اراسىنداعى بەيبىت كەلىسىمنەن سوڭ جاپونياعا حابوماي جانە شيكوتان ارالدارىن بەرۋى كەرەك بولعان. بىراق، ءپۋتيننىڭ ءباسپاسوز حاتشىسى دميتري پەسكوۆتىڭ سوزىنشە، ەكى ەل اراسىنداعى بەيبىت كەلىسىمنىڭ قابىلدانۋى ارالداردى جاپونياعا قايتارۋ دەگەندى بىلدىرمەيدى.
20 قاڭتاردا ماسكەۋ مەن رەسەيدىڭ بىرقاتار قالاسىندا ارالداردى بەرۋگە قارسى ميتينگتەر ءوتتى. وندا رەسەي ۇكىمەتى مەن پرەزيدەنت ءپۋتيندى سىنايتىن ۇراندار ايتىلدى.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى