قىرعىزستاندا سوڭعى ەكى ايدا حالىقتىڭ قىتايعا قارسىلىعى وسكەن. ەلدىڭ رەسمي وكىلدەرى، سونىڭ ىشىندە پرەزيدەنت سوورونباي جەەنبەكوۆ بەيجىڭمەن قارىم-قاتىناستى بۇزعىسى كەلگەندەر جازالانادى دەپ قاتاڭ ەسكەرتتى.
وتكەن جىلدىڭ جەلتوقسان ايىنان بەرى قىرعىزستان استاناسىندا قىتايدان زاڭسىز كەلگەن ازاماتتاردى ەلدەن شىعارۋ تالابىمەن ەكى مارتە نارازىلىق ميتينگى ءوتتى. العاش رەت قىرعىزستاندىقتار بەيبىت اكتسياسىن 20 جەلتوقساندا قىتايدىڭ بىشكەكتەگى ەلشىلىگى الدىندا وتكىزدى. ولار قىتايدان كەلگەن زاڭسىز ميگرانتتاردى ەلدەن شىعارۋعا وتىز كۇن ۋاقىت بەرىپ، شەتەل ازاماتتارىنا قىرعىزستاندىق تولقۇجات بەرۋدىڭ قانشالىقتى زاڭدى ەكەنىن تەكسەرەتىن كوميسسيا قۇرۋدى تالاپ ەتتى.
بەلسەندى توپتىڭ ەكىنشى ميتينگى 7 قاڭتاردا بىشكەكتىڭ ورتالىق الاڭىندا ءوتتى، وعان شامامەن 300 ادام قاتىستى. ميتينگكە شىعۋ تۋرالى حابارلامالار ءتۇرلى مەسسەندجەرلەر مەن الۋمەتتىك جەلىلەر ارقىلى تارادى.
"قىتاي - ءبىزدىڭ كورشىمىز. اتا-بابالارىمىز كورشىمەن تاتۋ تۇرۋ كەرەكتىگىن ايتقان. ولارعا بىزگە سولاي قارايدى، گرانتتار بولەدى. ءتۇرلى كولەمدە نەسيە بەرەدى. بۇل نەسيەلەردىڭ قالاي جۇمىس ىستەۋى - ءبىزدىڭ ىشكى ماسەلە. مەملەكەت بيلىگىندە وتىرعان شەنەۋنىكتەردىڭ ماسەلەسى. ءبىز ولارعا نەسيە بەرگەنى ءۇشىن راحمەت ايتۋىمىز كەرەك", - دەدى قىرعىز پرەزيدەنتى سوورونباي جەەنبەكوۆ.
2018 جىلى قىرعىزستانعا 35 مىڭنان استام قىتاي ازاماتى كەلىپ، 34 مىڭ 436 ازامات ەلىنە قايتقان. قىرعىزستاننىڭ مەملەكەتتىك تىركەۋ قىزمەتىندە شامامەن 25 مىڭ قىتاي ازاماتى تىركەۋدە تۇر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى