فوتو: AP, Jacquelyn Martin

ۋاشينگتوندا شاتداۋنعا قارسى نارازىلىق اكتسيا ۇيىمداستىرىلدى.

NYT مالىمەتىنشە، فەدەرالدى ۇيىمداردىڭ جۇمىسشىلارى مەن كاسىپوداق مۇشەلەرى اق ءۇي عيماراتىنىڭ الدىنا جينالىپ، ۇكىمەت جۇمىسىنىڭ جالعاسۋىن تالاپ ەتكەن. شاتداۋن باستالعالى، دەموكراتتار بيىلعى جىلدىڭ بيۋدجەتىن بەكىتپەي وتىر. بەكىتىلمەگەن بيۋدجەت سالدارىنان 22 جەلتوقساننان بەرى اقش فەدەرالدى بيلىگىنىڭ جۇمىسى ءىشىنارا توقتاتىلدى. بۇل ىشكى قاۋىپسىزدىك مينيسترلىگى، ساۋدا مينيسترلىگى، ءىىم مەن قارجى مينيسترلىگىنە قاتىستى. سونىمەن قاتار، سميتسون ينستيتۋتىنىڭ ۇلتتىق ساياباقتارى مەن مۇراجايلارى جابىلدى. 800 مىڭنان استام مەملەكەتتىك قىزمەتكەر اقىلى دەمالىسقا كەتتى.

10 قاڭتاردا قوس تاراپ باسشىلارى كەزدەسۋ ۇيىمداستىردى. بىراق، ناقتى ءبىر شەشىمگە كەلە العان جوق. سول ءۇشىن اقش پرەزيدەنتى دونالد ترامپ اتالعان كەزدەسۋدىڭ تۇككە تۇرعىسىز ەكەندىگىن ايتىپ، ورتادان ءۇزدى. اق ءۇي باسشىسى ءوز سوزىندە دەموكراتتار مەكسيكاداعى شەكارانى رەتتەۋگە قارجى بولمەسە، شاتداۋننىڭ جالعاسا بەرەتىنىن ايتتى. ەگەر بۇل داۋ جاقىن ارادا شەشىمىن تاپپاسا، اق ءۇي توتەنشە جاعداي جاريالايدى.

قازىرگى شاتداۋن اقش تاريحىنداعى ەڭ ۇزاق ءۇزىلىس بولۋى مۇمكىن. 1995-1996 جىلى بولعان ۇكىمەت ءۇزىلىسى 21 كۇن بويى جالعاسقان.

"The Qazaq Times"