Foto: AP, Jacquelyn Martin

Uaşingtonda şatdaunğa qarsı narazılıq akciya wyımdastırıldı.

NYT mälimetinşe, federaldı wyımdardıñ jwmısşıları men käsipodaq müşeleri Aq üy ğimaratınıñ aldına jinalıp, ükimet jwmısınıñ jalğasuın talap etken. Şatdaun bastalğalı, demokrattar biılğı jıldıñ byudjetin bekitpey otır. Bekitilmegen byudjet saldarınan 22 jeltoqsannan beri AQŞ federaldı biliginiñ jwmısı işinara toqtatıldı. Bwl İşki qauipsizdik ministrligi, Sauda ministrligi, İİM men Qarjı ministrligine qatıstı. Sonımen qatar, Smitson institutınıñ wlttıq sayabaqtarı men mwrajayları jabıldı. 800 mıñnan astam memlekettik qızmetker aqılı demalısqa ketti.

10 qañtarda qos tarap basşıları kezdesu wyımdastırdı. Biraq, naqtı bir şeşimge kele alğan joq. Sol üşin AQŞ prezidenti Donal'd Tramp atalğan kezdesudiñ tükke twrğısız ekendigin aytıp, ortadan üzdi. Aq üy basşısı öz sözinde demokrattar Meksikadağı şekaranı retteuge qarjı bölmese, şatdaunnıñ jalğasa beretinin ayttı. Eger bwl dau jaqın arada şeşimin tappasa, Aq üy tötenşe jağday jariyalaydı.

Qazirgi şatdaun AQŞ tarihındağı eñ wzaq üzilis boluı mümkin. 1995-1996 jılı bolğan ükimet üzilisi 21 kün boyı jalğasqan.

"The Qazaq Times"