7 قاڭتاردا وزبەكستان ۇلتتىق قاۋىپسىزدىك كوميتەتى تەرگەۋ باسقارماسىنىڭ بۇرىنعى باسشىسى، پولكوۆنيك نودير تۋراكۋلوۆتىڭ بىلتىر 25 قازاندا 16 جىلعا باس بوستاندىعىنان ايىرىلعانى بەلگىلى بولدى.
"ەزگۋليك" قۇقىق قورعاۋ قوعامىنىڭ باسشىسى ابدۋراحمون تاشانوۆ نودير تۋراكۋلوۆ ىسىندەگى جابىرلەنۋشىلەرمەن سويلەسكەنىن ايتادى.
"پولكوۆنيك تۋراكۋلوۆ نوديرعا بىلتىر 25 قازاندا جوعارى اسكەري سوتتا ۇكىم شىققان ەكەن. ول قىلمىستىق كودەكستىڭ ون بابى - "پارا الۋ", "بوپسالاۋ", "قىزمەتىن اسىرا پايدالانۋ", "الاياقتىق" ت.ب. باپتار بويىنشا ايىپتى دەپ تانىلىپ، 16 جىلعا سوتتالىپتى", - دەيدى ابدۋراحمان تاشانوۆ.
42 جاستاعى نودير تۋراكۋلوۆپەن بىرگە 12 ادام سوتتالعان. ولاردىڭ ىشىندە ارنايى قىزمەتتىڭ، پروكۋراتۋرانىڭ، ميليتسيانىڭ وكىلدەرى مەن كاسىپكەرلەر بار.
قۇقىق قورعاۋشى تاشانوۆتىڭ ايتۋىنشا، قازىر تۋراكۋلوۆقا قاتىستى ەكىنشى ءبىر قىلمىستىق ءىس قوزعالعان.
ارنايى قىزمەتتىڭ بۇرىنعى پولكوۆنيگى نودير تۋراكۋلوۆ بىلتىر 22 قاڭتاردا تاشكەنتتە ۇستالعان. وسىدان كەيىن 23 جىل بويى ۇلتتىق قاۋىپسىزدىك قىزمەتىن تاپجىلماي باسقارىپ كەلگەن رۋستام ينوياتوۆ قىزمەتىنەن الىندى. ونىڭ ورنىنا باس پروكۋرور بولعان يحتيور ابدۋللاەۆ تاعايىندالعان.
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى
تارازداعى قاندى قاڭتار: پروكۋرور قاڭتارشىلارعا بەرىلگەن جازانى قاتاڭداتۋدى سۇرادى