فوتو: RT

سولتۇستىك كورەيا باسشىسى كيم جوڭ ۋن قىتايعا باردى.

سينحۋا اقپارات اگەنتتىگىنىڭ مالىمەتىنشە، قاڭتار ايىنىڭ 7-ءى كۇنى كيم جوڭ ۋن قىتاي تارابىنىڭ شاقىرتۋى بويىنشا بەيجىڭگە قۇپيا ىسساپارمەن بارعان. ول مىنگەن پويىز قىتاي ارنايى قىزمەتىنىڭ باقىلاۋىنداعى داندۋك ستانتسياسى ارقىلى وتكەن. كيم جوڭ ۋننىڭ بۇل جولعى ساپارى 10 قاڭتارعا دەيىن سوزىلادى دەپ كۇتىلۋدە.

ەستەرىڭىزگە سالايىق، بۇعان دەيىن اقش پرەزيدەنتى دونالد ترامپ كيم جوڭ ۋنمەن كەزدەسۋدى اسىعا كۇتەتىنىن مالىمدەگەن. وسىدان كەيىن اق ءۇي اكىمشىلىگى كەزدەسۋ وتكىزۋ ايماعىن قاراستىرىپ جاتقاندىعى جونىندە اقپارات تاراتقان.

"The Qazaq Times"