2019 جىلى گەرمانيا مەن رەسەي بايلانىسى ناشارلايدى.

«Pfälzische Merkur» نەمىس باسىلىمىنا سۇحبات بەرگەن ساياساتكەر، رەسەيمەن قارىم-قاتىناس جونىندەگى نەمىس ۇكىمەتىنىڭ ۋاكىلى ديرك ۆيزە وسىلاي دەپ مالىمدەدى. ەكى ەل اراسىنداعى ەكونوميكالىق جانە ديپلوماتيالىق قارىم-قاتىناستىڭ السىرەۋىنە رەسەيدىڭ 2018 جىلعى «اگرەسسيالىق ساياساتى» سەبەپ.

«الەمدىك ماسەلەلەرگە كەلگەندە، ءبىز سكەپتيك رەتىندە قارايمىز. بىراق، 2018 جىلى ورىن العان جايتتار رەسەيمەن تىكەلەي قاتىستى، ولاردىڭ قاتارىندا بريتانياداعى سكريپالداردىڭ ۋلانۋى، كەرش بۇعازىنداعى جاعدايلار جانە رەسەيلىك حاكەرلەردىڭ ارەكەتى بار»، – دەيدى ساياساتكەر.

ۆيزە ەۋروپالىق وداق پەن گەرمانيا تاراپىنان رەسەيگە پەتەربۋرگ جانە
مينسك كەلىسىمىنە قاتىستى بىرنەشە شارت قويىلاتىنىن دا ەسكەرتتى. اتاپ ايتقاندا، ۋكرايناعا قارسى باعىت ۇستانباۋ، مينسك كەلىسىمىن قايتا قالپىنا كەلتىرۋ، «سولتۇستىك اعىس – 2» جوباسىن توقتاتۋ.

گەرمانيا مەن رەسەي اراسىنداعى ماسەلەلەرىڭ قاتارىندا «سولتۇستىك اعىس – 2» جوسپارى بار. رەسەيلىك «گازپروم» «سولتۇستىك اعىس – 2» كونسورتسيۋمىن باسقارادى. 11 ملرد دوللار بولاتىن قۇرىلىس كەلەسى جىلى اياقتالۋى كەرەك. قۇبىر جۇمىستارى رەسەي گازىنىڭ گەرمانياعا ۋكراينا اۋماعىن اينالىپ ءوتۋ كولەمىن ەكى ەسە ارتتىرۋ ماقساتىندا قولعا الىنعان. اقش، ۋكراينا جانە شىعىس پەن ورتالىق ەۋروپا ەلدەرى قۇبىر قۇرىلىسىنىڭ جالعاسۋىنا تۇبەگەيلى قارسى، ويتكەنى بۇل ءوز اۋماعى ارقىلى رەسەي گازىنىڭ ءترانزيتى ءۇشىن سالىق الا المايتىن ۋكرايناعا كوپ كولەمدە زيان كەلتىرەدى. ۋاشينگتون بۇل گاز قۇبىرى الداعى ون جىلدىقتاردا گەرمانيانىڭ رەسەيگە ەنەرگەتيكالىق تاۋەلدىلىگىن ارتتىرادى دەپ سانايدى.

سونىمەن، نەمىس ۇكىمەتىنىڭ ۋاكىلى ديرك ۆيزە سۇحبات سوڭىندا: «كەز كەلگەن مەملەكەت قانداي دا ءبىر سالادا بايلانىس ورناتۋ ءۇشىن ونىڭ وتكەنىنەن حاباردار بولىپ، بولاشاعىن بولجايدى. وتكەن 2018 جىلى ورىن العان جايتتاردان سوڭ، گەرمانيانىڭ رەسەيمەن بايلانىسى ناشارلايدى»، – دەدى.

"The Qazaq Times"