تەرەزا مەي ۇكىمەتتىڭ شۇعىل وتىرىسىن وتكىزەدى

ۇلىبريتانيا پرەمەر-ءمينيسترى Brexit كەلىسىمىنە قاتىستى ۇكىمەتتىڭ شۇعىل وتىرىسىن وتكىزبەك. بۇل تۋرالى Financial Times حابارلادى.

2 قاڭتاردا بريتانيانىڭ ەۋروپالىق وداق قۇرامىنان شىعۋىنا بايلانىستى ەكونوميكالىق جانە شەكارالىق ماسەلەلەر تالقىلانىپ، Brexit جوسپارى پارلامەنتكە ۇسىنىلادى. بۇعان قاتىستى بريتانيا باسىلىمدارى: «شارت تەرەزا مەي ءۇشىن جەڭىس ەمەس، ناعىز كاپيتۋلياتسيا. بۇل كەلىسىمدى قولداۋ ءۇشىن ەش نەگىز جوق»، – دەيدى. راسىمەن، ءبىراز ۋاقىت ىشىندە ساياساتكەرلەر تاراپىنان قاتاڭ سىنعا ۇشىراعان Brexit جوسپارىنا قارسى بارلىق وپپوزيتسيالىق پارتيالار، سونداي-اق كونسەرۆاتورلاردان قۇرالعان پارلامەنتتىڭ ونداعان مۇشەلەرى ءالى دە پرەمەر-ءمينيستردىڭ جوباسىن توقتاتۋعا تىرىسىپ باعۋدا. ال رەسمي بريۋسسەل مەيدىڭ بۇل جوسپارىن راتيفيكاتسيالاۋ تۋرالى شەشىم شىعاردى.

بريتانيا ەو-دان 2019 جىلدىڭ 29 ناۋرىزىندا شىعادى. Brexit كەلىسىمىنەن كەيىن يرلانديا رەسپۋبليكاسى مەن سولتۇستىك يرلانديا اراسىنداعى شەكارا ماسەلەسى رەتتەلىپ، سولتۇستىك يرلانديانىڭ كەدەن وداعىنىڭ قۇرامىندا قالۋى تۋرالى زاڭ جوباسى جۇزەگە اسادى.

"The Qazaq Times"