فوتو: unian.net

فرانتسيادا نارازىلىق شەرۋى قايتا باستالىپ، 24 مىڭعا جۋىق ادام بيلىك ساياساتىنا قارسى ەرەۋىلگە شىقتى. بۇل تۋرالى «لە موند» باسىلىمى حابارلادى.

پاريج ورتالىعىنا جينالعان مىڭعا جۋىق ادام ەل پرەزيدەنتى ەممانۋەل ماكرون زەينەتاقى مەن سالىق جۇيەسىنە قاتىستى ۋادەسىن ورىنداماي وتىر دەيدى. شەرۋدىڭ ارتى قاقتىعىسقا ۇلاسىپ، ەكى جۇزدەن استام ادام قاماۋعا الىنعان. قازىرگى ۋاقىتتا تەرگەۋ جۇمىستارى جۇرگىزىلىپ جاتىر.

فرانتسيادا 17 قاراشادان بەرى «سارى جەيدەلىلەردىڭ» ۇيىمداستىرۋىمەن جانارماي اكتسيزىن كوتەرۋگە قارسىلىق اكتسيالارى ءوتىپ جاتىر. كەي ايماقتاردا شەرۋدىڭ سوڭى تارتىپسىزدىككە ۇلاسىپ، بەس جۇزدەن استام ادام ۇستالدى. وقيعادان سوڭ پاريجدەگى سالتانات قاقپاسى اۋدانىندا پوليتسيا جانارماي سالىعىن كوبەيتۋگە قارسىلىق ءبىلدىرىپ شەرۋگە شىققان نارازىلاردى توقتاتۋ ءۇشىن پيروتەحنيكالىق گراناتتار قولدانعان.

فرانتسيا ۇكىمەتىنىڭ اقپاراتى بويىنشا، جالپى ەل كولەمىندە شەرۋگە قاتىسۋشىلاردىڭ سانى 40 مىڭ ادامنان اسقان. «سارى جەيدەلىلەردىڭ» تولقۋىنا قاتىستى ماكرون قازىرگى قيىندىقتىڭ نەگىزگى باسى وسىدان 40 جىل بۇرىنعى بيلىكتىڭ قاتە شەشىمدەرىنەن كەيىن باستالعانىن جانە قازىرگى جانارماي سالىعىنىڭ تىم قىمباتتاۋىنىڭ تاريحى دا تىم تەرەڭدە جاتقاندىعىن ايتتى.

"The Qazaq Times"