اقش پرەزيدەنتى دونالد ترامپ. فوتو. cont.ws

اقش ۇكىمەتى جۇمىسىن قىسقارتىپ جاتىر. بۇل تۋرالى The New York Times حابارلادى.

ۇكىمەتتىك مەكەمەلەرگە بولىنەتىن قارجى مەن كەي زاڭداردىڭ توقتاتىلۋى سەبەپتى فەدەرالدىق ورگاندار جۇمىسى قىسقارتىلعان. سونىمەن قاتار، قارجى ماسەلەسىن شەشۋگە ارنالعان بيۋدجەت جوباسى تولىق بەكىتىلگەن جوق. اق ءۇي باسشىسى دونالد ترامپ مەكسيكامەن اراداعى شەكارانى كۇشەيتۋگە 6 ميلليارد دوللارعا جۋىق قارجى بولەتىن بولدى. ترامپ شەكاراداعى اسكەري توپتار مەن قورعانداردى كۇشەيتۋ ارقىلى ورتالىق جانە لاتىن امەريكاسىنان كەلەتىن زاڭسىز ميگرانتتارعا توسقاۋىل بولماق. بىراق، اقش سەناتى پرەزيدەنتتىڭ شەشىمىنە قارسىلىق ءبىلدىرىپ وتىر. دەموكراتتاردىڭ ايتۋىنشا، شەكاراداعى قورعاندارعا تەك قانا 2 ميللياردتاي قارجى ءبولىنۋى ءتيىس.

الداعى ۋاقىتتا بۇل ماسەلە اق ۇيدەگى جيىن مەن جوعارى پالاتادا تالقىلانادى. قوس تاراپ بىرلەسكەن شەشىمگە كەلسە، اقش ۇكىمەتىنىڭ جۇمىسى قايتا قالپىنا كەلتىرىلەدى.

"The Qazaq Times"