ەر-رياد: حانزادا سالماننىڭ حاشوگگي ولىمىنە ەش قاتىسى جوق

ساۋد ارابياسى اقش سەناتىنىڭ حانزادا سالمان جۋرناليست جامال حاشوگگيدىڭ ولىمىنە تىكەلەي قاتىسى بار دەگەن تۇجىرىمىن جوققا شىعارىپ وتىر.

ساۋد ارابياسى ءسىم-ءنىڭ حابارلاۋىنشا، حانزادا ءتىلشىنىڭ ولىمىنە قاتىستى رەسمي مالىمدەمە جاساپ، تىلشىمەن ەشقانداي بايلانىسى بولماعانىن ايتقان. مالىمدەمەدە اقش سەناتىنىڭ رەزوليۋتسياسى نەگىزسىز جانە ەر-رياد ۋاشينگتونمەن ەكونوميكالىق ماڭىزدى كەلىسىمدەر جاساپ، ديپلوماتيالىق بايلانىس ورناتۋعا مۇددەلى دەلىنگەن.

14 جەلتوقساندا اقش سەناتى جۋرناليست جامال حاشوگگيدىڭ ولىمىنە بايلانىستى يەمەندەگى قاقتىعىستا ساۋد ارابياسىنا اسكەري كومەكتى توقتاتۋ تۋرالى شەشىمگە كەلدى. زاڭ شىعارۋشىلار قابىلداعان قاراردا كىسى ولتىرگەنى ءۇشىن باستى كىنالى رەتىندە ساۋد ارابياسىنىڭ تاق مۇراگەرى مۇحاممەد بين سالمان تانىلدى. تاعى ءبىر قۇجات امەريكالىق اسكەرلەردى يەمەننەن شىعارۋعا باعىتتالعان. اتالعان رەزوليۋتسياعا 56 سەناتور قولداپ داۋىس بەرسە، 41-ءى قارسى بولدى. قاراردا يەمەن قاقتىعىسى بويىنشا ەندى اقش-تىڭ بارلىق اسكەري كۇشتەرىن ەلگە قايتارۋ تالقىعا سالىندى. قۇجات اۆتورلارىنىڭ ايتۋىنشا، حاشوگگي ىسىنە قاتىستى قاتاڭ شارالار ورىندالۋى ءتيىس.

"The Qazaq Times"