جاپوندىق Toshiba كومپانياسىنىڭ ديرەكتورلار كەڭەسىنىڭ توراعاسى سيگەنوري سيگا كومپانيانىڭ سان ميللياردتاعان شىعىندارى ءۇشىن قىزمەتتەن كەتەتىنىن حابارلادى.
ياعني، 14 اقپانعا قاراعان ءتۇنى Toshiba ءوزىنىڭ جىلدىق ەسەبىن جاريالايدى دەپ كۇتىلدى. بۇل ەسەپ بەرۋدە شىعىندار كولەمى مەن ونىڭ Westinghouse Electric امەريكاندىق بولىمشەسىندەگى اكتيۆتەر باعاسىن ەسەپتەن شىعارۋ قانداي زيان كەلتىرگەنى جايلى ايتىلۋ كەرەك ەدى. دەيتۇرعانمەن بۇل جاعدايعا بايلانىستى ماسەلەلەر باياعىدان بەلگىلى بولعان. وتكەن جىلى جەلتوقساندا Toshiba Westinghouse Electric اكتيۆتەرىنىڭ باعاسىن ەسەپتەن شىعارۋ قاجەتتىلىگىن مويىنداعان بولاتىن، سودان كەيىن جاپوندىق كومپانيا اكتسيالارىنىڭ باعاسى ءتۇستى.
Westinghouse Electric ماسەلەلەرىنىڭ سەبەبى ونىڭ 2015 جىلى Chicago Bridge & Iron كومپانياسىنان اتومدىق نىساندار قۇرىلىسى بويىنشا بيزنەستى ساتىپ الۋ بولدى. ناتيجەسىندە ساتىپ الىنعان اكتيۆتەردىڭ نارىقتىق قۇنى كۇتكەندەگىدەن الدەقايدا تومەن بولىپ شىقتى.
ساراپشىلاردىڭ بولجامى بويىنشا، اكتيۆتەردى ەسەپتەن شىعارعانى ءۇشىن كومپانيانىڭ شىعىن كولەمى 6 ملرد دوللارعا جۋىق بولعان، بىراق اقپان ايىندا جاريالانىمعا شىعاتىن Toshiba كومپانياسىنىڭ رەسمي جىلدىق ەسەبىن كۇتكەن بولاتىن.
بي-بي-سي مالىمەتى بويىنشا بۇل كومپانيانىڭ اكتيۆتەر باعاسىن ەسەپتەن شىعارۋ مولشەرى تۋرالى اۋديتورلارمەن كەلىسە الماعانىمەن بايلانىستى.
كومپانيا سوڭعى كەزدە ەسەپ بەرۋ جاريالانىمىن كەيىنگە قالدىرۋدى سۇرادى.
وسى جاعدايلارعا بايلانىستى سيگەنوري سيگا قىزمەتتەن كەتەتىنىن حابارلادى. وسىدان كەيىن كومپانيا 31 ناۋرىزدا اياقتالاتىن قارجى جىلىنا باعدارلىق شىعىن مولشەرىن اشىپ كورسەتتى. شىعىن 3,44 ملرد دوللار ەسەبىندە بولادى دەپ كۇتىلەدى.
ءبىر جىل بۇرىن كومپانيا 6 ملرد دوللار ەسەبىندەگى شىعىن تۋرالى حابارلاعان بولاتىن. تاعى ءبىر جىل بۇرىن كومپانيا شىعىنى 4,6 ملرد دوللار دەگەن ەسەپ بەرىلگەن.
جىلدىڭ باسىندا بي-بي-سي «وڭتۇستىك كورەيا پرەزيدەنتى پاك كىن حەنىڭ اينالاسىنداعى سىبايلاس جەمقورلىققا قاتىستى داۋ Samsung كومپانياسىنا دا جەتتى. تەرگەۋشىلەر كومپانيانىڭ توپ مەنەدجەرى ءارى حولدينگ باسشىسىنىڭ ۇلى لي چە ءيوندى تەرگەۋگە الماق»، – دەپ حابارلاعان ەدى.
جاپونيا دا وڭتۇستىك كورەي دە ەلەكتورندى تەحنولوگيانىڭ ەڭ دامعان وشاقتىرى. سونىمەن قاتار الەمدىك نارىقتا Toshiba, Samsung ونىمدەرى العاشقى ورىنداردا. وسى كومپانيالاردىڭ باسشىلارىنىڭ ءبىرىنىڭ سوتتى بولۋى ەندى ءبىرىنىڭ جۇمىستان شەتتەتىلۋى كومپانيا ونىمدەرىنىڭ ونىمدىلىگىنە قانشالىقتى ىقپالى بولاتىنىن ءار باسىلىم ءار ءتۇرلى مەجەدە كورسەتىپ جاتىر.
فاريزا مۇقانوۆا
"The Qazaq Times"
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى