ەۋروپا كەڭەسىنىڭ توراعاسى دونالد تۋسك. فوتو: obozrevatel.com

ەۋروپالىق وداق Brexit جوسپارىن راتيفيكاتسيالاۋ تۋرالى كەلىسىمگە كەلدى.

وداققا مۇشە ەلدەر ۇلىبريتانيا وداق قۇرامىنان شىققان كۇننىڭ وزىندە باسقا مەملەكەتتەر بىرىككەن كورولدىكپەن بارىنشا تىعىز قارىم-قاتىناستى ساقتاپ قالاتىنىن ايتتى. وسىعان بايلانىستى بريۋسسەلدە وتكەن ەۋرووداق سامميتىندە قۇجات قايتا قاراستىرىلمايتىنى تۋرالى شەشىم قابىلداندى. بۇعان قاتىستى ەۋروپا كەڭەسىنىڭ توراعاسى دونالد تۋسك: «ەو 25 قاراشادان بەرى وسى جوبانى جۇزەگە اسىرۋعا دايىن. ەندى ساياسي دەكلاراتسيا بەكىتىلىپ، اسكەريلەردى ەلدەن شىعارۋ تۋرالى شەشىم قابىلدانادى. بۇگىنگى جيىننان سوڭ ۋاعدالاستىقتى راتيفيكاتسيالاۋ كەرەكتىگىن ۇعىندىق. قايتا كەلىسسوزدەر وتكىزۋدىڭ دە كەرەگى جوق، بارلىعى بۇگىن تالقىلانادى»، – دەپ مالىمدەدى.

Brexit كەلىسىمىنەن كەيىن يرلانديا رەسپۋبليكاسى مەن سولتۇستىك يرلانديا اراسىنداعى شەكارا ماسەلەسى رەتتەلىپ، سولتۇستىك يرلانديانىڭ كەدەن وداعىنىڭ قۇرامىندا قالۋى تۋرالى زاڭ جوباسى جۇزەگە اسادى. بريتانيا پرەمەر-ءمينيسترى تەرەزا مەي: «كۇنى بۇگىنگە دەيىن Brexit جوسپارىن تالقىلاپ، ءبىراز وزگەرىستەر ەنگىزدىك. ەندىگى كەزەكتە ۇلىبريتانيا وداق قۇرامىنان شىعۋ ءۇشىن كەلىسىمدى شۇعىل ماقۇلداۋ كەرەك. پارلامەنت ناقتى بەكىتسە، قولعا العان ىستەرىمىز وڭىنان جۇزەگە اسپاق. ياعني بىرىككەن كورولدىككە تۇراقتىلىق قاجەت»، – دەيدى. ال ەۋروپا كوميسسياسىنىڭ پرەزيدەنتى جان-كلود يۋنكەر: «Brexit بويىنشا كەلىسىم وزگەرتىلمەيدى. 19 جەلتوقساندا سوڭعى جاۋاپتى الاتىن بولاسىزدار»، – دەدى.

ەسكە سالا كەتەيىك، بىرىككەن كورولدىك ەۋرووداق قۇرامىنان 2019 جىلدىڭ 29 ناۋرىزىندا شىعادى. ال 2020 جىلدىڭ سوڭىنا دەيىن ىشكى نارىقتاعى جاعداي، ديپلوماتيالىق بايلانىس پەن ەۋروپالىق ساياساتقا رەفورمالار ەنگىزىلمەيدى.

"The Qazaq Times"