فوتو: DW

رەسەيلىكتەردىڭ 40 پايىزى ەل كونستيتۋتسياسىن وقىماعان.

«لەۆادا» ورتالىعى 12 جەلتوقسان كۇنى رەسەيلىكتەر اراسىندا جۇرگىزىلگەن الەۋمەتتىك زەرتتەۋلەردىڭ ناتيجەسىن جاريالادى.  زەرتتەۋ بويىنشا، الەۋمەتتىك ساۋالناماعا قاتىسقان رەسەيلىكتەردىڭ 40 پايىزى ەل كونستيتۋتسياسىن ءبىر دە ءبىر رەت وقىماعاندىعىن ايتقان. بىراق ءبىر قىزىعى ساۋالناماعا جاۋاپ بەرگەندەردىڭ 76 پايىزى «پۋتين بيلىگى اتا زاڭ اياسىندا جۇمىس ىستەپ جاتىر» دەپ ەسەپتەيدى.

رەسەي كونستيتۋتسياسى 1993 جىلدىڭ 12 جەلتوقسان كۇنى جالپى حالىقتىق داۋىس بەرۋ ناتيجەسىندە قابىلدانعان. 1994 جىلدان باستاپ 12 جەلتوقسان «كونستيتۋتسيا كۇنى» بولىپ بەكىتىلگەن. 2004 جىلى مەملەكەتتىك دۋما ەڭبەك كودەكسىنە وزگەرتۋلەر مەن تولىقتىرۋلار ەنگىزىپ، 2005 جىلدان باستاپ 12 جەلتوقسان مەرەكەلىك كۇندەر قاتارىنان الىنىپ تاستالعان.

"The Qazaq Times"