فوتو: www.thenational

بريتانيانىڭ ەۋرووداقتان شىعۋ تۋرالى جوسپارىن قولداۋشى توپ لوندوندا شەرۋ وتكىزدى. بۇل تۋرالى Daily Telegraph باسىلىمى حابارلايدى.

ەۋرووداقپەن كەلىسىم بويىنشا وتكەن شەرۋگە Brexit جوسپارىن قولدايتىن مىڭداعان ادام قاتىسقان. بىرىككەن كورولدىكتىڭ وداق قۇرامىنان شىعۋىنا بايلانىستى پارلامەنتتە داۋىس بەرۋگە از عانا كۇندەر قالعاندىقتان، بارلىعى بەس مىڭعا جۋىق شەرۋشى اتالعان جوسپاردىڭ تەزىرەك ىسكە اسقانىن جانە پرەمەر-مينيستر تەرەزا مەيدىڭ شەشىمىن قۇپتايتىنىن ايتقان. بريتانياداعى شاراعا تاۋەلسىزدىك پارتياسىنىڭ قۇرامى تولىعىمەن قاتىسىپ، پارلامەنت مۇشەلەرىنە Brexit-ءتى قولداپ داۋىس بەرگەن 17 ميلليون ادامنىڭ پىكىرىنە قۇلاق اسۋ تۋرالى ەسكەرتىلدى. شەرۋدەگى نەگىزگى بايانداماشىلار قاتارىندا سولتۇستىك يرلانديا، شوتلانديا جانە ۋەلستەن كەلگەن وكىلدەر دە بار. دەموكراتيالىق جانە بەيبىت اكتسيا رەتىندە ۇيىمداستىرىلعان شەرۋدە مەيدىڭ شەشىمىن جاقتايتىندار عانا ەمەس، نارازى توپتار دا بوي كورسەتتى.

وسى اپتادا بريتانيا پارلامەنتىنىڭ قاۋىمدار پالاتاسى Brexit جوسپارىن سوڭعى رەت تالقىلاپ، شەشىم شىعارادى. ەگەر دەپۋتاتتار قارسى داۋىس بەرسە، بريتانيا وداق قۇرامىنان ۋاعدالاستىقسىز شىعادى. سونداي-اق جوسپار قابىلدانباسا، تەرەزا مەي وتستاۆكاعا كەتۋى مۇمكىن.

"The Qazaq Times"