Foto: www.thenational

Britaniyanıñ Euroodaqtan şığu turalı josparın qoldauşı top Londonda şeru ötkizdi. Bwl turalı Daily Telegraph basılımı habarlaydı.

Euroodaqpen kelisim boyınşa ötken şeruge Brexit josparın qoldaytın mıñdağan adam qatısqan. Birikken Korol'diktiñ odaq qwramınan şığuına baylanıstı parlamentte dauıs beruge az ğana künder qalğandıqtan, barlığı bes mıñğa juıq şeruşi atalğan jospardıñ tezirek iske asqanın jäne prem'er-ministr Tereza Meydiñ şeşimin qwptaytının aytqan. Britaniyadağı şarağa Täuelsizdik partiyasınıñ qwramı tolığımen qatısıp, parlament müşelerine Brexit-ti qoldap dauıs bergen 17 million adamnıñ pikirine qwlaq asu turalı eskertildi. Şerudegi negizgi bayandamaşılar qatarında Soltüstik Irlandiya, Şotlandiya jäne Uel'sten kelgen ökilder de bar. Demokratiyalıq jäne beybit akciya retinde wyımdastırılğan şerude Meydiñ şeşimin jaqtaytındar ğana emes, narazı toptar da boy körsetti.

Osı aptada Britaniya parlamentiniñ qauımdar palatası Brexit josparın soñğı ret talqılap, şeşim şığaradı. Eger deputattar qarsı dauıs berse, Britaniya odaq qwramınan uağdalastıqsız şığadı. Sonday-aq jospar qabıldanbasa, Tereza Mey otstavkağa ketui mümkin.

"The Qazaq Times"