فوتو: سdn.ngenix

ليتۆا كەرشتەگى جاعدايعا قاتىسى بار بىرنەشە رەسەيلىك ازاماتتارعا سانكتسيا ەنگىزدى.

BNS اقپارات اگەنتتىگىنىڭ حابارلاۋىنشا، ليتۆانىڭ ميگراتسيا دەپارتامەنتىنىڭ شەشىمى بويىنشا قاتاڭ قاۋلىعا كەرچ بۇعازىنداعى جاعدايعا تىكەلەي جاۋاپتى 20 رەسەيلىك ىلىككەن. ليتۆا سىرتقى ىستەر مينيسترلىگى ماسكەۋ مەن كيەۆ تەكەتىرەسىندە رەسەيدىڭ حالىقارالىق قۇقىق ەرەجەلەرىن قاداعالاماي، ۋكراينانىڭ اۋماقتىق تاۋەلسىزدىگىنە نۇقسان كەلتىرۋى وزگە دە مەملەكەتتەردىڭ قاۋىپسىزدىگىنە قاتەر ءتوندىرۋى مۇمكىن دەيدى.
ەستەرىڭىزگە سالايىق، 25 قاراشادا ۋكراينالىق ءۇش اسكەري كەمە ودەسسادان ماريۋپولگە قاراي باعىت العان. الايدا، كەرش بۇعازىنان باسىپ وتۋگە رۇقسات بەرمەگەن رەسەي اسكەريلەرى بىردەن وق جاۋدىرعان. وسى جاعدايدان كەيىن ۋكراينانىڭ جوعارعى راداسى «ۋكراينا مەن رەسەي فەدەراتسياسى اراسىنداعى دوستىق، ىنتىماقتاستىق جانە ارىپتەستىك جونىندەگى كەلىسىمدى توقتاتۋ جونىندەگى» زاڭ جوباسىن ماقۇلدادى.

"The Qazaq Times"