پاكىستان پرەمەرى اقش پرەزيدەنتىنەن كومەك سۇرادى

پاكىستان پرەمەر-ءمينيسترى يمران حان اقش پرەزيدەنتى دونالد ترامپقا حات جولداپ، اۋعانستان داعدارىسىن شەشۋگە قولداۋ كورسەتۋىن سۇرادى. بۇل تۋرالى پاكىستان پرەمەرى باق وكىلدەرىمەن كەزدەسۋى كەزىندە مالىمدەگەن.

بۇعان دەيىن وڭىردەگى جاعدايعا بايلانىستى اقش ۇكىمەتى پاكىستاندى ايىپتاپ، تەررورلىق توپتارعا قولداۋ كورسەتىپ وتىرعانىن ايتقان ەدى. سوعان قاراماستان اقش-پاكىستان اراسىندا وڭىردەگى تۇراقتىلىق پەن قاۋىپسىزدىككە بايلانىستى ىنتىماقتاستىق ورناتۋعا دەگەن تالپىنىستار دا بولعان.

يمران حان ترامپقا جازعان حاتىندا پاكىستان تارابى اۋعانستاندا 17 جىلعا جالعاسقان تۇراقسىزدىقتى شەشۋگە  تىرىساتىنىن، بۇل باعىتتا قۇراما شتاتپەن ىنتىماقتاسۋعا دايىن ەكەنىن، سونداي-اق، اقش-تىڭ قولداۋىنا مۇقتاج ەكەنىن دە ايتقان.

قازىر اۋعانستانداعى جاعداي كورشىلەس ەلدەر مەن ايماقتار ءۇشىن ۇلكەن ۇرەي تۋعىزىپ وتىر. 17 جىلدان بەرى الاساپىران بولىپ جاتقان اۋعانستان دەگەنمەن، سوڭعى ءبىر-ەكى جىلدا ورتا شىعىستاعى تەرروريزم جاعدايىندا وزگەرىستەر بولدى. ءسۇريا مەن يراك جەرىندە جەڭىلىس تاپقان دايش كۇشتەرى تۇراقسىزدىق جايلاعان اۋعان جەرىنە قاراي اعىلدى. ونىڭ ۇستىنە، اۋعانستانداعى جەرلىك تەررورلىق توپ تاليبان ۇيىمى دا سوڭعى جىلدارى بەلسەندى شابۋىلدار جاساۋدا.

اۋعانستاندى تۇتاسىمەن تۇراقسىزدىق جايلاسا نەمەسە تەررورلىق ۇيىمداردىڭ باقىلاۋىنا وتسە، ەڭ الدىمەن قىتايدىڭ باتىس وڭىرىنە، سوسىن ورتا ازيا، وڭتۇستىك ازيا ەلدەرىنە قاۋىپ تونەدى.

“The Qazaq Times”