قىرعىز كومپانيالارى قىتايعا پايدالى قازبا بايلىقتارىن زاڭسىز ساتىپ كەلگەن

قىرعىزستاننىڭ ەكونوميكالىق قىلمىسقا قارسى كۇرەس اگەنتتىگى (قارجى پوليتسياسى) ءبىر جارىم جىل بويى قىتايعا كەن ونىمدەرى مەن كونتسەنتراتتى زاڭسىز تاسىپ كەلگەن ەكى كومپانيانى انىقتاعان. ولار مەملەكەتكە جالپى قۇنى 10 ملن سوم (143 مىڭ دوللار) شىعىن كەلتىرگەن.

قارجى پوليتسيانىڭ مالىمەتىنشە، «ۋ.ت. ي ك.» كومپانياسى 2017 جىلى 1 مىڭ 764 توننا سۇرمە قوسىندىسى بار پايدالى قازبا مەن كونتسەنتراتتى قىتايداعى حالىقارالىق «ب.» كومپانياسىنا جىبەرىپ وتىرعان. تاۋار ليتسەنزياسىندا كەننىڭ وش وبلىسىنداعى «اليك اليكسۋياك» كەنىشىندە وندىرىلگەنى جازىلعان.

اتالعان كومپانيانىڭ ءونىمدى ەكسپورتتاۋعا رۇقسات قۇجاتى بولماعان. ءبىر جارىم جىلدىڭ ىشىندە «ۋ.ت. ي ك.» كومپانياسى 6,2 ملن سومنىڭ تاۋارىن ەكسپورتتاعان. زاڭسىز كاسىپكەرلىگى ءۇشىن كومپانيا ۇستىنەن قىلمىستىق ءىس قوزعالعان.

قارجى پوليتسياسى كومپانيا اتاۋىن تولىق اتاماي وتىر. جەرگىلكىتى باق وكىلدەرىنىڭ مالىمەتىنشە، بۇل قىتايدىڭ «بارس» كومپانياسىنا كەن تاسىمالداعان «ۋنيۆەرسال ترانس ي كو» كومپانياسى بولۋى مۇمكىن.

بۇدان بولەك «ت.س» كومپانياسى 2017 جىلدان 2018 جىلدىڭ شىلدە ايىنا دەيىن قىتايدىڭ «چ.» كومپانياسىنا 1,5 مىڭ توننا سۇرمە قوسىندىسى بار كەن مەن كونتسەنترات جىبەرىپ وتىرعان. ەكسپورت قۇنى 4,2 ملن سومدى قۇراعان.

دەرەككوز مالىمەتىنشە، قىتايدىڭ «چجۋنيا» كومپانياسىنا زاڭسىز پايدالى قازبا جەتكىزىپ وتىرعان قىرعىزستاندىق «تەرەك سۇرمە» كومپانياسى.

"The Qazaq Times"