زورلىق-زومبىلىقتان كوز جۇماتىن ايەلدەر سانى الەمدى تاڭ قالدىردى. فوتو: scmp.com7

جاقىندا بۇۇ ايەلدەردىڭ زورلىق-زومبىلىقتان كوز جۇمۋىنا قاتىستى تاڭقالارلىق ستاتيستيكالىق مالىمەت جاريا ەتتى.  بۇۇ مالىمەتىنە قاراعاندا، الەمدە كۇنىگە 137 ايەل جاقىن تۋىستارىنىڭ نەمەسە كۇيەۋىنىڭ قولىنان قازا تابادى. بۇل دۇنيەجۇزىلىك ورتاشا ستاتيستيكا.

مالىمدەمەدە ايتىلۋىنشا، 2017 جىلى قايتىس بولعان ايەلدەردىڭ جارتىسىنان كوبى كىسى قولىنان قازا تاپقان. شىن مانىسىندە، قاستاندىققا ۇشىراپ قازا بولاتىن ەركەكتەردىڭ سانى كوبىرەك. الايدا، مۇنداي جاعداي قازا بولعان ايەلدەردىڭ 80 پايىزى ءوز كۇيەۋلەرىنىڭ قاستاندىعىنا ۇشىراعان.

BBC ارناسى 2018 جىلداعى ءبىر كۇندى تاڭداپ الىپ، الەمدەگى وسىنداي كەلەڭسىز وقيعالاردى زەرتتەپ كوردى. ناتيجەسىندە ءبىر عانا 1 قازان كۇنى الەمنىڭ 27 ەلىندە 47 ايەل زورلىق-زومبىلىق ارەكەتىنەن كوز جۇمعان.

زەرتتەۋ ناتيجەلەرى افريكا قۇرلىعىندا مۇنداي وقيعالاردىڭ كوبىرەك بولاتىنىن كورسەتكەن. الايدا، 2017 جىلى بۇل كورسەتكىشتە ازيا قۇرلىعى قارا قۇرلىقتان وزىپ شىقتى. ايتالىق، بىلتىر ءبىر جىل ىشىندە 20 مىڭ ايەل ءوز جاقىندارىنىڭ قولىنان و دۇنيەلىك بولعان.

BBC زەرتتەۋىنە سايكەس، 1 قازان 2018 جىلى لاتىن امەريكا قۇرلىعىندا 14 ايەل ولتىرىلگەن. ولاردىڭ ەكەۋى سالۆادور ەلىندە بولعان. اتالعان ەلدىڭ رەسمي بيلىگى BBC-گە بەرگەن مالىمەتتە، 2018 جىلى 300 ادام قاستاندىقپەن ولتىرىلگەنى ءمالىم بولدى.

بۇۇ تارابى اتالعان مالىمدەمەدە، قاۋىپسىزدىك قىزمەتكەردىڭ كوپ جاعدايدا ايەلدەردىڭ قاستاندىقپەن كوز جۇمعانىنان حابارسىز قالىپ جاتاتىنىن ايتادى. دەمەك، بۇنداي قىلمىستار رەسمي ستاتيستيكادان الدە قايدا كوپ دەگەندى العا تارتادى.

“The Qazaq Times”